آیات محبوب کتاب مقدس از Marko 2

به اشتراک گذاشتن

Esi Yesu se nya sia la, eɖo eŋu na wo be: “Lãmesesẽtɔwo mehiã gbedala o, ke boŋ dɔnɔwoe hiãe. Nyemeva be mayɔ ame dzɔdzɔewo o; nuvɔ̃wɔlawo boŋ yɔ ge meva.”

Esi Yesu kpɔ ameawo ƒe xɔse la, egblɔ na lãmetututɔ la be: “Vinye, wotsɔ wò nuvɔ̃wo ke wò.”

Eyi edzi gblɔ na wo be: “Amegbetɔ tae woɖo Dzudzɔgbe anyi ɖo; menye Dzudzɔgbe tae wowɔ amegbetɔ o

Le ameha la ta la, womete ŋu kɔe ɖo egbɔ o; eya ta woyi ɖaɖe mɔ ɖe xɔ si me Yesu le la tame, eye esi woŋɔe vɔ la, woɖiɖi aba si dzi lãmetututɔ la mlɔ la ɖe anyi.

Ke be mianya be ŋusẽ le Amegbetɔ Vi la si le xexea me be wòatsɔ nuvɔ̃wo ake la”, egblɔ na lãmetututɔ la be: “Mele egblɔm na wò be tsi tsitre, ŋlɔ wò aba, eye nàyi aƒeme!”

Nya siawo dometɔ ka gbɔgblɔ na lãmetututɔ lae le bɔbɔe wu? ‘Wotsɔ wò nuvɔ̃wo ke wò’ loo, alo: ‘Tsi tre, ŋlɔ wò aba, eye nàzɔ azɔli’?

Lãmetututɔ la fɔ ɖe tsitre enumake, eye wòŋlɔ eƒe aba, hezɔ dzo le wo katã ŋkume. Nu sia wɔ nuku na ameawo katã, eye wokafu Mawu gblɔ be: “Gbeɖe! Nu sia tɔgbe ya la, míekpɔe kpɔ o.”