آیات محبوب کتاب مقدس از Kolosetɔwo 2

به اشتراک گذاشتن

Esi miexɔ Kristo abe Aƒetɔ ene ta la, miwɔ ɖeka kplii le miaƒe agbenɔnɔ me. Miƒo kè ɖe to le eyama me, eye mitu mia ɖokui ɖo ɖe eyama dzi, bene miali kè le xɔse si wofia mi la me. Hekpe ɖe esia ŋuti la, minɔ akpedada dzi ɖaa.

Mikpɔ nyuie be ame aɖeke nagatsɔ xexemenunya kple ameblenya gbɔlo, siwo wotu ɖe amegbetɔwo ƒe kɔnyinyi dzi, alo ɖe xexemeŋusẽwo ƒe gbɔgbɔwo dzixɔse dzi la, akplɔ mi atrae o. Wometu nu siawo ɖe Kristo dzi o

Tsã la, miawo hã mienye ame kukuwo, elabe mienɔ nuvɔ̃ me, eye wometso aʋa na mi le Kristo me o; ke azɔ la, Mawu gbɔ agbe miawo hã kpakple Kristo la, elabe wotsɔ míaƒe nuvɔ̃wo katã ke mí. Etutu nuŋɔŋlɔ si tsi tre ɖe mía ŋu hebu fɔ mí le sea nu la ɖa keŋkeŋ, elabe eklãe ɖe atitsoga ŋu.

elabe mawunyenye blibo nɔ Kristo ƒe ŋutilã me. Esi miewɔ ɖeka kple eya, ame si nye ta na gbɔgbɔmeŋusẽ kple gbɔgbɔmedziɖula ɖe sia ɖe la, miawo hã miaƒe agbenɔnɔ de blibo.

Eya ta migana ame aɖeke naka ŋkume na mi azɔ le nya siwo ku ɖe nuɖuɖu kple nunono alo azãɖuɖuwo, ɣletidzedzi kple Dzudzɔgbe ŋuti la me o. Esiawo katã nye nu siwo le megbe gbɔna la ƒe vɔvɔliwo ko; nu si le vɔvɔli la ŋutɔ ɖem lae nye Kristo.