آیات محبوب کتاب مقدس از Matie 24

به اشتراک گذاشتن

‑Mä sä nyenyii 'kä lä zumë nä, ɩ yi gbä 'nɩ bhutukpää' ‑wawʋʋ wa ‑kä bhlä Laagɔɔ' ‑za nä, ʋ yi 'kʋ ‑sänöɔ. ‑Mä anyɩa' lɔɔ‑ gä plɛkʋ 'tɛmä ‑aaa, 'nɩ bhɩäylʋʋ kä ‑ŋëë nä, ɔ yi ‑lɔɔ nëë' ‑bha.

Laagɔɔ' 'Leyiduu' 'Nägädöö yi 'kɔɔn 'mnö dää 'fɩɩn ‑sänöɔ ‑yä ɩ 'kä 'bhlɩɩ 'fɩɩn ‑dläfʋɛ 'plö. ‑Lɔɔ ‑tɛɛ zëkpëa' bhɩäylʋʋ 'kä lä ŋëë.

A yi tʋʋ' wälɩ 'nu, 'nɩ a yi 'sɩɩ tʋʋ' kplü 'nu. ‑Mä ‑ŋänö 'nä bhla'anyɩ ‑lä! Ɩ ‑ŋwa 'kʋ nynä ‑nɩnɩ 'fɩɩn ŋëë! ‑Mä zëkpëa' bhɩä‑tänyɩɛɛ' ‑lätee ‑ŋëë.

‑Lɔɔ' 'tänyɩɛ 'mnö nä, 'bhlɩ yi 'kʋ ‑bha 'nɩ ɛ yi ɛ lübhlɩ tʋ fä. 'Nɩ 'leyidu yi 'kʋ ‑bha 'nɩ ʋ yi ʋ lü‑leyidu tʋ fä. 'Ylʋzɔɔ' dö ‑bhutukpä ‑gbugbe yi yi, 'nɩ ‑dʋdʋ yi tɩtɛ. Nyäkälɩnɩ 'fɩɩn nä, kɩ ‑kʋ lä nynä gbadöŋnɔ kä cii ɔ 'kä gään nä ɩɩ' nyäkälɩɩ ɔ ni lä nä.

Laagɔ ‑yä ‑dʋdʋ 'sɔ yi 'plö, ‑mä 'naa ciciwälɩɩ ‑lä 'kɔɔn 'plö.

Bhutukpä yi yi, 'nɩ wa yi 'naa 'ŋnöö bhɛɛ. 'Nɩ nyɩkpɔ nyɩkpɔ yi ci nynä ‑mä ɔmɔɔ‑ plöö‑ Klisöɔ! 'Nɩ wa yi nyɩkpa ‑bhutukpä 'nyigë.

Nä wa yi'anyɩ nyäkälɩɩ' 'ŋʋ. Wa yi'anyɩ 'bhlä 'nɩ a yi 'ku. Nyɩkpa yi'anyɩ 'bhlɩɩ 'fɩɩn 'mnö zɔbhlɛmä 'naa ‑za. ‑Nɩnɩ yi gbä 'nɩ nyɩkpa ‑bhutukpä yi Laagɔɔ' pɔlötɛtɛɛ' ‑blɔɔ 'kʋ ‑bha. Wa yi 'nyigë ‑nyigë, 'nɩ wa yi zɔbhlɛmä ‑zɔbhlɛmä. ‑Kpläkplö 'plɔfɛtɩnyʋä ‑bhutukpä yi yi, 'nɩ wa yi nyɩkpa ‑bhutukpä 'nyigë.

Zozii lä a kä ‑nʋ nä, a luë ‑mä nyɩkpɔɔ' 'nyigënö'anyɩ ‑lä!

Nä, ɩ ‑kä 'ŋnö nä, anyɩ ‑mä 'sɩɩ, a ‑ghlɩlɩ ‑mä 'tänyɩɩ aa ‑wʋ lä 'kwläkwlä sää ‑gblɩ nä, ‑lɔɔ Nyɩkpɔɔ ‑Yowli 'kä lä yii.

Nä, a gblɩmä ‑mä, ylʋʋ 'kʋ anyɩa' Kwlienyɔ 'kä la yi nä, a 'nʋʋ ‑wʋ ‑yi!

‑Ɔ plöö‑ lä ylʋʋ ‑yä 'gliyee 'sɔ nä, nyɩkpɔ 'nɩɩ ‑wʋ ‑yi. ‑Laagɔzizii ‑mä 'sɩɩ, ɩ 'nɩɩ ‑wʋ ‑yi. 'Nɩ Laagɔ ‑Yowli 'titi, ɔ 'nɩɩ ‑wʋ ‑yi, 'nɩ ‑ɔnö 'Bäɔ ‑bhlo.

‑Kpläkplönyʋä yi yi, 'nɩ wa yi wa yëku Klisöɔ laa. 'Nɩ ‑kpläkplö 'plɔfɛtɩnyʋä yi 'sɩɩ yi. Wa yi 'yiziziogbɩ ‑yä ‑daminë 'kädö 'sɔ nʋ. Wa kä mii nä, nyɩkpaa 'fɩɩn Laagɔ laa‑ lä nä, wa yiwa 'sɩɩ 'nyigë.

Sɩ plöö‑ lä Nowee' 'bhlɛsʋʋ 'mnö 'kʋ nä, sɔɔ ‑säkä ‑säkä Nyɩkpɔɔ ‑Yowlii' yi‑tänyɩɛ 'kä lä 'kʋ 'plö. Nowee' 'bhlɛsʋʋ nyɩkpaa nä, wa lü bhä 'nɩ wa mnä bhä, 'nɩ wa nönö bhä. Wa nyɛ bhä waa' 'yuŋnʋgbɛnyʋä 'wlie, 'nɩ wa 'nyɛ bhä wa 'yuŋwadie 'ŋwnɩä. Wa ‑kʋ sɔɔ nʋdä ‑aaa, 'nɩ Nowee yi 'gokpü 'kädaa 'mnö plä. Wa ‑kʋ bëlɩɩ' ‑aaa, 'nɩ 'nyu ‑zakwëa yiwa ‑zɔɔ 'vu. 'Nɩ 'nyunʋ yiwa 'kplɩ 'fɩɩn 'nɩ ʋ yiwa fään. Nä, Nyɩkpɔɔ ‑Yowlii' yi‑tänyɩɩ' nä, sɔɔ ‑säkä ‑säkä ɩ 'kä lä 'sɩɩ 'kʋ 'plö.