മന്‌സാര് പിര്യപഡ്‌റ കെ്ട്ട കാര്യഗ: ബേസ്യാഡ്‌റാദ്, ആഡ്‌മാഡ്‌ണ പാസെ ഏ്റി ണഡാക്കാദ്, ആണ് പെ്ണ്ണ് ആങ്കീങ്ക് ആസെ ബെത്ത് ണഡാക്കാദ്, സെലേന കുമ്മുഡ്‌റാദ്, മന്ത്‌റ സെയ്‌രാദ്, ആങ്കീങ്ക് ഏദ് ബെത്ത് ണഡാക്കാദ്‌മ്, മല്ല്‌സണ്ടെ കെ്ട്ട്‌റാദ്‌മ്, കണ്ണ്‌കഡി, അഡ്‌ത്തവാര്‌ദ് ഗൂഡി ബേ്ഡു എന്ത് ആസെപഡ്‌റാദ്, മൊനെപഡ്‌റാദ്, പ്‌ഡ്യാറപ്‌ഡിക്കാദ്, ആള്‌ഗണ ബേ്റെബേ്റെ കൂട്ടഗ ഉണ്ടാക്കി കച്ചി പ്‌റ്‌ക്കാദ്, എര്‌സ ബെത്ത് ണഡാക്കാദ്, കുഡിക്കാദ്, കുഡിത്ത് കൂത്താഡി ണഡാക്കാദ് ഇച്ചെ സെയ്‌ര പല കാര്യഗാമ്‌ത്തെ. ഇച്ച്‌ള ആള്‌ഗണ സാമി ആള്‌റാദ്‌ക്കുള്ള ബാഗ്യ കെ്ഡേക്കമാട്ട എന്ത് ണാന് ണിമാക്കെ മുദ സൊന്ന പാസെ ഇപ്പ്‌മ് സൊല്ലുറെ.