آیات محبوب کتاب مقدس از रोमियन 2

به اشتراک گذاشتن

अउर हे साथी, तूँ त केबल मनई आह्या, अउर तूँ जउन इआमेर के काम करँइ बालेन काहीं दोसी ठहरउते हया, त का तूँ सोचते हया, कि हम परमातिमा से मिलय बाले सजा से बँचि जाब? का तूँ परमातिमा के असीमित दया अउर सहनसीलता अउर धीरज काहीं तुच्छ जनते हया? तोंहईं इआ जानँइ चाही, कि परमातिमा के दया तोंहईं पस्चाताप करब सिखाबत ही।

हे न्याय करँइ बाले मनई तूँ चाह कोऊ होइहा, तोंहरे लघे कउनव बहाना नहिं आय, काहेकि जउने बातन के खातिर दुसरे काहीं दोसी ठहरउते हया, अउर खुदय उहय काम तूँ करते हया, त अपने-आप काहीं घलाय दोसी ठहरउते हया।

काहेकि परमातिमा कोहू के साथ पच्छपात नहीं करँय।

(काहेकि जेतने मनई बिधान के बातन काहीं सुनत भर हें, अउर मानँइ नहीं, ऊँ परमातिमा के नजर माहीं निरदोस न ठहरिहँय, बलकिन जे कोऊ बिधान के बातन काहीं सुनिके, उनखे मुताबिक चलत हें, उँइन परमातिमा के नजर माहीं निरदोस ठहराए जइहँय।

“परमातिमा हरेक जन काहीं उनखे कामन के मुताबिक बदला देइहँय।”

पय जउन मनई स्वार्थी हें, अउर सत्य के बिरोध करत अधरम माहीं चलत हें, उनहीं परमातिमा से कठोर सजा मिली।

पय तूँ अपने हठी अउर कबहूँ न पचिताँय बाले मन के कारन, परमातिमा के क्रोधपूर्न सजा काहीं अपने खातिर उआ दिन के खातिर एकट्ठा कइ रहे हया, जब परमातिमा सच्चा न्याय करिहँय।