آیات محبوب کتاب مقدس از रोमियन 12

به اشتراک گذاشتن

अउर तूँ पंचे इआ संसार के बुरे मनइन कि नाईं न बना; काहेकि परमातिमा तोंहरे मन काहीं नबा कइ दिहिन हीं, एसे तोंहार पंचन के चाल-चलन बदलत जाँइ चाही, जउने तूँ पंचे अपने अनुभव से इआ जान लेबा करा, कि परमातिमा तोंहरे जीबन से का चाहत हें, अउर उनहीं का नीक लागत हय, अउर उनखर पूरी इच्छा का ही।

हे भाई-बहिनिव, परमातिमा तोंहरे ऊपर जउन दया किहिन हीं, ओही सुधि देबाइके तोंहसे पंचन से बिनती करित हएन, कि अपने-अपने जीबन काहीं जिन्दा, अउर पबित्र, अउर परमातिमा काहीं प्रसन्न करँइ बाले बलिदान के रूप माहीं समरपित कइ द्या, तोंहार पंचन के परमातिमा के सेबा करँइ के सही तरीका इहय आय।

अउर अपने आसा माहीं आनन्दित रहा; दुख-मुसीबत माहीं धीरज रक्खा; अउर हमेसा प्राथना करँइ माहीं लगे रहा।

अउर अगर कोऊ तोंहसे कुछू बुराई किहिस होय, त तुहूँ पंचे ओखे साथ बुराई न किहा, बलकिन ओखे साथ भलाइन किहा, इआमेर से तूँ पंचे भलाई के काम कइके बुराई के ऊपर बिजय पइहा।

अउर आपस माहीं भाईचारा बनाइके, एक दुसरे से प्रेम करा; अउर आपस माहीं एक दुसरे काहीं अपने से बढ़िके माना।

अउर तूँ पंचे एक दुसरे से निस्कपट प्रेम करा; अउर बुरे कामन से नफरत करा, अउर भलाई करँइ माहीं लगे रहा।

अउर जहाँ तक तोंहसे होइ सकय, त सगले मनइन के साथ मेल-मिलाप करँइ के पूरी कोसिस किहा।

हे पियार भाई-बहिनिव, अगर कोऊ तोंहसे कुछू बुराई किहिस होय, त ओखर बदला तूँ पंचे खुद न लिहा, बलकिन परमातिमा काहीं ओखर बदला लेंइ के मोका दिहा, काहेकि जइसन पबित्र सास्त्र माहीं लिखा हय, कि “प्रभू कहिन हीं, कि बदला लेब हमार काम आय, अउर ओखर बदला हमहिन लेब।”

अउर अपने काम माहीं कबहूँ आलसी न बना; बलकिन आत्मिक उत्साह के साथ प्रभू के सेबा माहीं लगे रहा।

काहेकि परमातिमा के किरपा से जउन अधिकार हमहीं मिला हय, ओहिन के मुताबिक हम तोंहसे पंचन से अरथात हरेक जन से कहित हएन, कि जइसन अपने-आप काहीं समझँइ चाही, ओसे बढ़िके अपने-आप काहीं न समझा। जइसन परमातिमा तोंहरे पंचन के छमता के मुताबिक, जेतना बिसुआस दिहिन हीं, ओहिन के मुताबिक अपने-आप काहीं सही तरीके से समझा।

जे तोंहरे साथ बुराई करँय, त तुहूँ पंचे उनखे साथ बुराई न किहा, बलकिन भलाइन किहा; जउन बातँय सगले मनइन के भलाई के खातिर होंय, उनहिन काहीं करँइ के कोसिस करा।

अउर आपस माहीं मिल जुलिके रहा; घमन्ड न करा; बलकिन दीन मनइन के साथ संगति करा; अउर अपने-आप काहीं जादा बुद्धिमान न समझा।

पय अगर तोंहार पंचन के बइरी भूँखा होय, त ओही खाना खबाया; अउर अगर पियासा होय त ओही पानी पिआया; काहेकि तूँ पंचे ओखे साथ अइसा करिहा, त उआ तोंहसे खुब लज्जित होइ जई।

अउर अपने सतामँइ बालेन काहीं आसिरबाद द्या; उनहीं सराप न द्या, बलकिन उनखे खातिर परमातिमा से प्राथना करा, कि परमातिमा उनहीं आसिरबाद देंय। अउर जे आनन्द मनाबत हें, त तुहूँ पंचे उनखे साथ आनन्द मनाबा; अउर जे दुखी होंय, त उनखे साथ तुहूँ पंचे दुख मनाबा।

अउर परमातिमा के पबित्र मनइन काहीं जउन जरूरत होय, त उनखर मदत करा; अउर महिमानन के स्वागत-सतकार करँइ माहीं लगे रहा।

काहेकि जइसन हमरे पंचन के देंह माहीं कइयकठे अंग हें, अउर उनखर काम एकमेरय नहिं आय। उहयमेर हमहूँ पंचे, जउन खुब जने हएन, मसीह के ऊपर बिसुआस किहे के कारन एकठे देंह कि नाईं हएन, जइसन ओखर अंग एक दुसरे से जुड़े रहत हें, उहयमेर हमहूँ पंचे आपस माहीं एक दुसरे से जुड़े हएन।