آیات محبوب کتاب مقدس از रोमियन 11

به اشتراک گذاشتن

काहेकि सब कुछ उनहिन के बनबा आय, अउर उनहिन के द्वारा सब स्थिर हय, अउर सब कुछ उनहिन के आय, उनखर बड़ाई जुग-जुग होत रहय। आमीन!

बाह! परमातिमा केतने अदभुत हें, उनखर ग्यान अउर बुद्धी अउर दया रूपी धन अपरम्पार हय! उनखे निरनय अउर उपायन काहीं समझ पाउब असम्भव हय।

अउर प्रभू के बुद्धी काहीं कोऊ नहीं जान सकय, अउर न उनहीं कोऊ सलाह देंइ बाला होइ सकय।

ठीक इहइमेर से इआ समय माहीं घलाय, परमातिमा के किरपा से चुने कुछ मनई बाँकी हँय। अउर अगर इआ चुना जाब, परमातिमा के किरपा से भ हय, त इआ चुना जाब उनखे कामन से नहीं भ आय, अउर अगर इआ उनखे कामन से होत, त परमातिमा के किरपा बेकार ठहरत।

हम इआ बात काहीं इआ उदाहरन से समझाइत हएन, अगर निकहे जैतून के बिरबा से कुछ डेरइआ टोरिके फेंक दीन गई हँय, अउर तोंहईं पंचन काहीं जउन जंगली जैतून के बिरबा के डेरइआ आह्या, कलम बनाइके उनखे जघा माहीं उआ निकहे जैतून के बिरबा माहीं जोड़ दीन ग हय, जउने उआ बिरबा के जर से दुसरे डेरइअन कि नाईं तोंहऊँ काहीं ताकत मिलय। त तोंहईं पंचन काहीं, उन डेरइअन के आँगे जउन टोरिके फेंकि दीन गई हँय, घमन्ड न करँइ चाही, अउर अगर तूँ पंचे घमन्ड करते हया, त इआ सुधि रक्खा, कि तूँ जर के पालन-पोसन नहीं कइ रहे आह्या, बलकिन उआ जरय तोंहार पंचन के पालन-पोसन करत ही।