آیات محبوب کتاب مقدس از यूहन्ना 10

به اشتراک گذاشتن

चोर कउनव दुसरे काम से नहीं आबय, उआ केबल चोरी करँइ, अउर कतल करँइ, अउर नास करँइ आबत हय, पय हम एसे आएन हँय, कि ऊँ पंचे भरपूर जीबन पामँइ।

निकहा चरबाहा हमहिन आहेन; निकहा चरबाहा अपने गड़रन के खातिर आपन प्रान दइ देत हय।

हमार सगली गाड़र हमार बात मनती हँय, अउर हम उनहीं सगलेन काहीं जानित हएन, अउर ऊँ सगली हमरे पीछे-पीछे चलती हँय।

अउर हम उनहीं अनन्त जीबन देइत हएन, अउर ऊँ सगली कबहूँ नास न होंइ हँय, अउर न कोऊ उनहीं हमसे छड़ाएन पाई।

दुअरा हमहिन आहेन: अगर कोऊ हमरे व्दारा भीतर जई, त उआ मुक्ती पाई, अउर भीतर- बाहरअई जई अउर चारा पाई।

निकहा चरबाहा हमहिन आहेन; अउर हम अपने गड़रन काहीं जानित हएन, अउर हमार सगली गाड़र हमहीं जनती हईं।

ऊँ सगलिन काहीं हमहीं देंइ बाले हमार पिता सगलेन से बड़े हें, अउर कोऊ उनहीं पिता के हाँथे से छड़ाय नहीं सकय। हम अउर पिता एकय आहेन।”

जउनमेर पिता हमहीं जानत हें, उहयमेर हमहूँ पिता काहीं जानित हएन। अउर हम अपने गड़रन के खातिर आपन प्रान देइत हएन।

कोऊ ओही हमसे छड़ाबय नहीं, बलकिन हम ओही अपने मरजी से देइत हएन: काहेकि हमहीं ओही देंइ के अधिकार हय, अउर ओही लेऊँ के अधिकार हय: इआ हुकुम हमहीं हमरे पिता से मिला हय।”

तब यीसु उनसे पुनि कहिन, “हम तोंहसे सही-सही कहित हएन, कि गड़रन के दुअरा हमहिन आहेन।

मजूर जउन न त चरबाहय आय, अउर न गड़रन के मालिकय आय, उआ डगर काहीं आबत देखिके, गड़रन काहीं छोंड़िके भाग जात हय, अउर डगर उनखे ऊपर हमला कइके, उनहीं तितर-बितर कइ देत हय।

पुनि यीसु उनसे कहिन, “हम तोंहसे सही-सही कहित हएन, कि जे कोऊ दुअरा से गाड़र के सार माहीं नहीं जाय, बलकिन कउनव दुसरी कइती से चढ़िके घुसत हय, त उआ चोर अउर डाँकू आय।