آیات محبوب کتاب مقدس از 1 कुरिन्थियन 9

به اشتراک گذاشتن

अउर कुस्ती लड़ँइबाले हरेक पहिलमान, अपने देंह काहीं तइआर करँइ के खातिर, हरेकमेर के कसरत करत हें; अउर ऊँ पंचे त नास होंइ बाले मुकुट काहीं पामँइ के खातिर इआ सगली मेहनत करत हें, पय हम पंचे त उआ मुकुट काहीं पामँइ के खातिर मेहनत करित हएन, जउन कबहूँ नहीं नास होय। अउर इहइमेर हमहूँ उआ मनई कि नाईं दउड़ित हएन, जउने के आँगे लच्छ हय, पय हम हबा माहीं मुक्का नहीं मारी।

पय हम अपने देंह के बुरी इच्छन से लड़िके, उनहीं अपने कब्जे माहीं एसे लइ अइत हएन, कि कहँव अइसन न होय, कि दुसरे मनइन के खातिर प्रचार करी, अउर हम खुद कउनव बुरा काम कइके निकम्मा ठहर जई।

अउर का तूँ पंचे इआ नहीं जनते आह्या, कि दउड़ के प्रतियोगिता माहीं हरेक जन दउड़त हें, पय इनाम त एकय जन पाबत हय; त तुहूँ पंचे अइसन दउड़ा कि जउने जीत जा।

अउर हम निबल मनइन के खातिर निबल बन गएन, कि जउने निबल मनइन काहीं प्रभू यीसु मसीह के लघे खींच लई, अउर हम हरेक मनइन के खातिर उनहिन कि नाईं बन गएन, कि जउने कउनव मेर से कइअक जनेन काहीं मुक्ती देबाय देई।