آیات محبوب کتاب مقدس از اِنجِیل شریف (لُوقا) 22

به اشتراک گذاشتن

”اَے باپ، اگر تُوں چاہیں، تے مِکی اِس مصِیبت کولوں بچا۔ پر اے گل مہاڑی مرضی نال ناں ہووے، بلکہ تُہاڑی ہی رضا نال پُوری ہووے۔“

پر میں تہاڑے واسطے دُعا کِیتی اَے کہ تُہاڑا اِیمان ختم ناں ہووے۔ اِس واسطے جیہڑے ویلے تُوں مہاڑے دَر فِر مُڑی کے اچھیں، تے اپݨے اِنہاں پہراواں نے اِیمان کی وی مضبُوط کریاں۔“

اِس تُوں بعد حضرت عِیسیٰ روٹی کہِندی، تے اللّٰہ تعالیٰ نا شُکر ادا کری کے اُس نے ٹوٹے کِیتے۔ فِر اُنہاں اپݨے صحابیاں کی دیݨے ویلے آخیا، ”اے مہاڑا بدن اَے، جیہڑا تُساں نی خاطر میں دیݨا آں۔ مہاڑی یادگار نے طور اپر تُساں اِسے طرح کریا کرو۔“

اِسے طرح کھاݨا کھاݨے تُوں بعد اُنہاں انگُوراں نی شراب نا کَٹورا کِہندا تے صحابیاں کی آخیا، ”اے انگُوراں نی شراب نا کَٹورا اللّٰہ تعالیٰ نا نَواں عہد اَے، جیہڑا تُساں واسطے مہاڑے بغائے وے خُون نے ذرِیعے قائِم کِیتا جاسی۔

پر حضرت عِیسیٰ سخت پریشان ہوئے وے سݨ۔ اُنہاں ہور زیادہ فریاداں نال اللّٰہ تعالیٰ اگے دُعا کِیتی۔ تے اُنہاں نا پَرسیو زِیمی اپر اِسرح پیا ٹہیݨا سی جِسرح خُون نے بڑے بڑے قطرے پئے ٹہیݨے ہوݨ۔

پر تُساں وِچ اِسرح نی ہوݨا چاہی نا، بلکہ جیہڑا تُساں وِچ بڑا ہووے اُسی اِیئے جہیا ہوݨا چاہی نا اے کہ او ساریاں کولوں نِکا اَے۔ تے جیہڑا حاکم بݨنا اَے، اُسی خادم نی طرح ہوݨا چاہی نا اے۔

اے گل سُݨی کے حضرت عِیسیٰ اُنہاں کی جواب دِتا، ”پطرس، یاد رخ! اَج سرگی ویلے کُکڑے نی بانگاں کولوں پہلے تُوں ترَے واری مِکی سیاݨنے تُوں وی اِنکار کرسیں۔“