آیات محبوب کتاب مقدس از اِنجِیل شریف (لُوقا) 12

به اشتراک گذاشتن

اِس واسطے تُساں وی ہر ویلے تیار رہو، کِیئانکہ جِس ویلے تُساں نے وَہم و گَمان وِچ وی ناں ہوسی، اِبنِ اِنسان آئی جاسی۔“

اِس نی بجائے تُساں پہلےاللّٰہ تعالیٰ نی بادشاہی نی طرف اپݨا دِل لاؤ، تے اے ساریاں چِیزاں وی تُساں کی لبھی جاسݨ۔

فِر حضرت عِیسیٰ ساریاں لوکاں کی مُخاطِب ہوئی کے آخیا، ”خبردار! اپݨے آپے کی ہر طرح نی لالِچ تُوں بچائی کے رَخو، کِیئانکہ بہُوں زیادہ مال نے ہوݨے نال اِنسان نی زِندگی نی بݨنی۔“

اصل وِچ جِتھے تُساں نا خزانہ ہوسی، اُتھے ہی تُساں نا دِل وی لغا رَہسی۔“

تُساں وِچ اِیئے جہیا کُݨ اَے، جیہڑا فِکر کری کے اپݨی عُمر وِچ اِک سیکنڈ وی وَدھائی سکݨا اے؟

فِر حضرت عِیسیٰ اپݨے صحابیاں کی آخیا، ”اے ہی وجہ اَے کہ میں تُساں کی آخݨا کہ اپݨی جان واسطے پریشان ناں ہویا کرو، یعنی کہ ’اَساں کَے کھاساں یا کَے لاساں؟‘

بلکہ اللّٰہ تعالیٰ تے تُساں نے سِرے نے بال وی گِݨنا اَے۔ اِس واسطے ڈرو ناں! اُس نی نظراں وِچ تُساں نی قِیمت بہُوں ساریاں چِڑیاں کولوں وی زیادہ اَے۔“

مُٹّھی بَھر لوکو، خوف زَدہ ناں ہووو، کِیئانکہ تُساں نے آسمانی باپ کی خُوشی اَے کہ او تُساں کی اپݨی بادشاہی وِچ شامِل کرے۔

پرندیاں نی مِثال چائی کِہنو: ناں او بِیں راہݨے اݨ، ناں فصل کَپݨے اݨ، ناں اِنہاں نا کوئی کھِلاڑہ یا گودام ہوݨا اَے۔ فِر وی ربّ العالمِین اِنہاں کی کھُوالݨا اَے۔ جبکہ تُساں تے پرندیاں کولوں زیادہ قِیمتی او!

اِس واسطے کھاݨے پِیݨے نیاں چِیزاں نی تلاش ناں کریا کرو، تے اِنہاں واسطے پریشان ناں ہویا کرو۔

کدے اللّٰہ تعالیٰ اِس کہاہ کی جیہڑا اَج باڑیاں وِچ اَے تے کَل تَندُورے وِچ سٹیا جاسی، اِیئے جہیا لباس لاݨے واسطے دیئی سکݨا، تے اَے کَچّے اِیمان آلیو! او تُساں کی اِس تُوں زیادہ بہتر لباس ناں دیسی؟

جیہڑا کُجھ وی چھَپیا وا اے، او ظاہر کِیتا جاسی، تے ہر گل جیہڑی چھَپی وی اے اُس نی خبر ہوئی جاسی۔