آیات محبوب کتاب مقدس از اِنجِیل شریف (لُوقا) 11

به اشتراک گذاشتن

سوچو، کدے تُساں بُرے ہوئی کے وی اپݨی اولادی کی چنگیاں چیزاں دیݨا چاہݨے او، تے اِسے طرح تُساں نا آسمانی باپ وی اپݨے مَنگݨے آلیاں کی رُوحِ پاک ضرُور دیسی۔“

اِس واسطے میں تُساں کی آخݨا آں، اللّٰہ کولوں مَنگو تے او تُساں کی ضرُور دیسی۔ اُسی لوڑو، تے او تُساں کی لبھسی۔ اُس نا دروازہ ٹھکورو، تے دروازہ کھُلسی۔

کِیئانکہ جیہڑا کوئی اللّٰہ کولوں مَنگے، اُسی دِتا جاݨا اَے۔ جیہڑا اُسی لوڑے، اُسی او لبھݨا اَے۔ تے جیہڑا اُس نا دروازہ ٹھکورَے، دروازہ کھُلسی۔

حضرت عِیسیٰ اُنہاں کی آخیا، ”جِس ویلے تُساں دُعا کرو تے اِسرح آخیا کرو، ’اَے باپ، تُہاڑے پاک ناں نی عِزت ہووے۔ تُہاڑی بادشاہی اچھَے۔

جِس طرح اَساں دُویاں لوکاں نے قصُور معاف کرنے آں، تُوں وی اَساں نے غُناہ معاف فرما۔ تے اَساں کی آزمائشاں وِچ ناں بھا۔‘ “

جیہڑا رِزق اَساں کی چاہی نا اَے، ہر دیہاڑے اَساں کی دَے۔

تُساں نیاں اکھیاں تُساں نے بدن نیاں بَتّیاں اݨ۔ جے تُساں نیاں اکھیاں ٹھِیک ہوݨ، تے تُساں نے سارے بدن کی روشݨی لبھسی۔ جے تُساں نیاں اکھیاں خراب ہوݨ، تے تُساں نے سارے بدن وِچ نیہرا ہوسی۔

”کوئی بندہ وی بَتّی بالی کے پہانڈے تھَلے یا کُسے اوہلی جغہ وِچ نی رخݨا، بلکہ کُسے اُچّی جغہ اپر رخݨا اَے، تانکہ جیہڑا کوئی اندر اچھَے اُسی لو لغے۔