آیات محبوب کتاب مقدس از गलातियों 5

به اشتراک گذاشتن

लेकन पवित्र आत्मा दा फल प्यार, नंद, शान्ति, स्बर, तरस, पलाई, विश्वास, दीनगी, ते अपने आप गी काबू करना ऐ; ए जिए कम्में दे वरोध च कोई कनून नेई।

लेकन आऊँ आखना ऐं, के पवित्र आत्मा दे आखने उपर चलो, तां तोस जिंदु दे बुरे कम दी ख्वैशें गी कुसे बी रीति कन्ने पूरा नेई करगे।

जेकर अस पवित्र आत्मा दे मताबक जिनयां न, तां पवित्र आत्मा दे मताबक चलचे बी।

ते जेड़े मसीह यीशु दे न, उनै जिंदु दी बुरी इच्छ्यें ते खुआशें समेत सूली उपर चढ़ांई दिता ऐ।

जिंदु दियां बुरीयां इच्छ्यां ते साफ लबदियां न, मतलब ब्यभिचार, गंदे कम, लुच्चा पन, ओ मूरत दी पुजा, टूना, बैर, लड़ाई, एर्षा, गुस्सा, वरोध, फोट, फेरका बाजी, अड़ना, मतवालापन, जिंदु दा पोघ-पलास, ते इंदे जे ओर-ओर कम न, इंदे बारै च आऊँ तुसेंगी पैलैं गै खबरदार करी दिना ऐं जियां पैलैं आखी बी चुके दा ऐं, के ए जिए कम करने आले परमेसर दे राज दे वारस नेई ओगन।

ए विश्वासी प्राओ, तोस मूसा दा कनून नेई मनने आसतै परमेसर ने बलादे ओ; लेकन ऐसा नेई उवै, के ए अजादी जिंदु दी बुरीयां खुआशां गी पूरी करने दा मौका बनी जा, बरना प्यार कन्ने एक दुए दी सेवा करने आले बनो।

किके जिंदु दियां बुरीयां इच्छ्यां पवित्र आत्मा दे वरोध च ते पवित्र आत्मा जिंदु दियां बुरीयां इच्छ्यां दे वरोध च कम करदा ऐ, ते ए एक दुए दे वरोधी न, एस आसतै के जे केछ तोस करना चांदे ओ, ओ नेई करी सकदे।

किके सारा कनून एस एक गै गल्ल च पूरा ओई जन्दा ऐ, “तू अपने गुआंडी कन्ने अपने जियां प्यार कर।”

अस कमणडी ओईयै एक दुए गी नेई छेड़चै, ते नां एक दुए कन्ने एर्षा करचै।

मसीह ने अजादी आसतै असेंगी मूसा दे कनून गी मनने कोलां अजाद कित्ता ऐ; एस आसतै एस अजादी च टिके दे रवो, ते कोई परतियै तुसेंगी मूसा दे कनून गी मनने आसतै गलाम नेई बना।