آیات محبوب کتاب مقدس از गलातियों 6

به اشتراک گذاشتن

अस पले कम करने आसतै इम्त नेई छुड़चै, किके जेकर अस आंरचै नेई, तां परमेसर दे अपने बेलै च नाम पागे।

एस आसतै जिथें तकर मौका मिलै अस सारें कन्ने पलाई करचै, खास करियै विश्वासी प्रांऐं दे कन्ने।

तोस परेशानी बेच एक दुए दी मदद करो, ते एस चाली मसीह दे कनून गी पूरा करो।

अपने आप गी तोखा नेई दियो; परमेसर गी कोई कदें मुर्ख नेई बनाई सकदा, किके मनुक्ख जे केछ रांदा ऐ उवै कटग।

किके जेड़ा अपनी जिंदु दी बुरी इच्छ्यां पूरी करने आसतै कम करदा ऐ, ओ जेंद थमां नाश ओनें दी फसल कटग; ते जेड़ा पवित्र आत्मा दी इच्छ्यां आसतै कम करदा ऐ, ओ पवित्र आत्मा थमां मेशा दी जिंदड़ी दी फसल कटग।

ए विश्वासी प्राओ, जेकर ए पता चलै के कुसे मनुक्खे पाप कित्ता ऐ, तां तोस जेड़े आत्मिक ओ, दीनगी कन्ने उसी सेई रस्ते उपर लेई आओ, ते अप्पुं बी चकने रवो के तोस बी उसै अजमैश बेच नेई पवो।

किके जेकर कोई केछ नेई ओनें उपर बी अपने आप गी बड़ा समझदा ऐ, तां ओ अपने आप गी तोखा दिन्दा ऐ। लेकन अर एक अपने गै कम गी जांची लै, के ओदा कम सेई ऐ, ते दुए दे बारै च नेई लेकन अपने कम दे बारै च उसी कमंड करने दा बेला थोग। किके अर एक मनुक्ख अपने गै कम दा जिमेंबार ओग।