آیات محبوب کتاب مقدس از उत्पत्ति 26

به اشتراک گذاشتن

तूँ एस ई प्रदेशो रे रओ ओर मां तां साथे रणा ओर मां ताखे आशीष देणी कऊँकि ये देश मां ताखे ओर तेरे वंशो खे देणा ओर जो कसम मैं तेरे बाओ अब्राहमो ते खाई थी, से मां पूरी करनी।

ओर मां तेरा वंश सर्गो रे तारेया जेड़ा करना ओर मां तेरे वंशो खे ये सारा प्रदेश देणा ओर तरतिया रे सारे देश तेरे वंशो री बजअ ते तन्य ऊणे। कऊँकि अब्राहमे मेरी गल्ल मानी ओर तिने मेरी आज्ञा, बिदिया ओर व्यवस्था रा पालण कित्तेया, जो मैं तेसगे समाल़ी थिया।”

तेबे तिने तेथा ते आगे चली की एक ओर कुआँ खणाया ओर तिजी रिया तँईं तिने चगड़ा नि कित्तेया, इजी खे तिने तिजी रा नाओं ये बोली की रहोबोत राखेया, “एबे तो यहोवे आसा रिया तँईं बऊत जगा देई राखी ओर आसा एते प्रदेशो रे फूलणा-फल़णा।”

तेती यहोवे इसहाको खे दर्शण देई की बोलेया, “तूँ मिस्र प्रदेशो रे नि जा, पर जो देश मां ताखे बताणा, तेसी प्रदेशो रे रओ।

तेबे इसहाके तेती एक बेदी बणाई ओर यहोवे रे नाओं री आराधना कित्ती ओर आपणा तम्बू तेथी खड़ा कित्तेया ओर तेती इसहाको रे दासे एक कुआँ खणेया।