آیات محبوب کتاب مقدس از BiRomaŋ beŋ 6

به اشتراک گذاشتن

Kuthunkuŋ ku ka hakɛ ku kiŋ hutuka; kɛrɛ munkii mu ka Masaala muŋ mu kiŋ sii ba kɔy yo kɔy ka bɔhande ntuŋ haŋ ka tha banthe iŋ Kraist Yisɔs, Mariki wokɛntuŋ woŋ.

Hakɛ ba bɛiŋ nda bena kɛriŋiyɛ; beŋ ka nda ka pothi ka Siraŋ baŋ, kɛrɛ beŋ kiŋ nda ka pothi ka makutiyɛ ma ka Masaala maŋ.

Naa biyo miŋ, miŋ tuku ka tha banthe iŋ wundɛ e miŋ mankuwo iŋ wundɛ, haliko wu be niyɔ nɔŋ na ŋayino Kraist ka tuka haŋ iŋ sɛmbɛ bamandiŋ-mandiŋ ba ka Fanda ntuŋ woŋ baŋ, miŋ hɛlɛŋ nɛŋ miŋ be sɛkɛthi mayathi maŋama.

Baŋ nda dunkuŋ kufɛŋ ndo kufɛŋ ku ka ŋakɔtɔ ŋakendeŋ ŋaŋ ka hakɛ ba kuŋ niye wali bɛyiniŋ banɛnɔy. Kɛrɛ dunkunaŋ yɛthɛ bakendeŋ ka Masaala nɔŋ biya bi ŋayitiyo ka tuka ba siso ka sii, awa e beŋ dunkuna yɛthɛ bakendeŋ fooma kɛnama ba niyo wali bathumbɛ.

Miŋ kɔthɛŋ ba dɔma na thathukuma thakɛntuŋ thatiyɔ thaŋ koro nde ka nanthe iŋ Kraist ka kuyeŋ kubariŋande koŋ, ba haliko sɛmbɛ ba ka thukuma hu ka hakɛ baŋ haŋ hu be punku ba teetuwo, ba miŋ be tha nda niyɔ mbaayiŋ bi ka hakɛ.

Nɛna hɛlɛŋ beŋ ba siyuwe yɛthɛ bakendeŋ. Beŋ kiŋ ba siyuwa yɛthɛ bakendeŋ bendo tukɛ nda ka kufɛŋ ku ka hakɛ, kɛrɛ beŋ niyɔ bendo pethɔy ka kufɛŋ ku ka Masaala saathɛ ba bɔhande ndeŋ haŋ ka tha banthe iŋ Kraist Yisɔs.

Mbɛ hu nda miŋ tɛpi? E miŋ akeyka kɔtɔkɔy kaŋ niya hakɛ haliko makutiyɛ ma ka Masaala maŋ mɛ be nthuŋ kɔ ndintɔ? Wuŋ ka ba nɛŋ niyɔ hali. Mɛnɛ ba sɔkɔ hu ka niya hakɛ, miŋ kiŋ nda ka bɛŋ nɔŋ biya bitukɛ, nama hɛlɛŋ miŋ kahite ka niya bɛŋ?

Yaathi beŋ kɔthɛŋ ba dɔma na naa yi dunkuŋ yɛthɛ bakɛnda nɔŋ waayi ba putiyɔ wɔ. Wuŋ, wuŋ tɔŋɔŋ ba dɔma na yi kiŋ waayi yaathi ba Mariki wo putiyɔy yi woŋ, wu niyɔiŋ nthɔŋ ba putiyɔ hakɛ e yi kuta hutuka, maa e yi putiyɔ Masaala na e ndɛ yina kuta nɔŋ wɔ thumbɛ.

Kɛrɛ miŋ thiyi Masaala na maamo, baa malɔkɔ manthe nde, beŋ kiŋ nde mbaayiŋ bi ka hakɛ, kɛrɛ mahɛŋ mabɛina beŋ yɛrɔkɔy iŋ thathukuma ndeŋ thaŋ fooma nɔndi ba kuto ka mathanani ma thanki beŋ thaninuwo maŋ. Beŋ peyeno kuyankaŋ ŋaye ka hakɛ e beŋ nda si sikiyɔkɔ mbaayiŋ bi ka niya mathumbɛ.