آیات محبوب کتاب مقدس از Yɔni 10

به اشتراک گذاشتن

Batuwaŋ woŋ kɔŋ hɔkɔŋ see ba si tuwe, ba kɔra, mɛnɛ ba teetuwa. Kɛrɛ yaŋ see haliko biya bi be kutu sii bagbeeŋ baŋ, awa bi be tha panki ntha yo ntha ki ka sii bagbeeŋ baŋ baŋ.

“Yama batɔli takɛŋ wobathɛrɛgbɛŋ woŋ, baa batɔli wobathɛrɛgbɛŋ woŋ kɔŋ dunkuŋ sii nama baŋ ba takɛŋ nama beŋ.

Takɛŋ niŋ beŋ bi poniyeŋ thampa niŋ thaŋ kuiha; yaŋ kɔthɛŋ bindɛ, awa bi kɔŋ yama yeŋ.

Yaŋ kɔŋ bindɛ dunkune sii ba kɔy yo kɔy, awa bindɛ sa piriŋ, awa wɔ sa yama bindɛ punku kanita.

Yama biyo hu ba biyande ka kubinthi ku ka takɛŋ beŋ koŋ. Mɛnɛ wɔ yo wɔ biiyande kiyaŋ, ndɛ kɔŋ niyɔ kisi, awa ndɛ kɔŋ key kaake e ndɛ fuŋa ka gbada, awa ndɛ kɔŋ kutu muthɔma mɛnɛ mandi mathiiye.

Yama batɔli wobathɛrɛgbɛŋ woŋ. Nɔŋ na kɔthɛ nthɔŋ yama Fandaŋ woŋ na, e yaŋ kɔthɔ Fandaŋ woŋ; nɛna kɔthɔ yaŋ takɛŋ niŋ beŋ, awa takɛŋ niŋ beŋ yama kɔthɔ. Yaŋ kɔŋ dunkuŋ sii bakiyaŋ baŋ ba takɛŋ niŋ beŋ.

Bi dunkune yama Fandaŋ woŋ beŋ bi yameŋ niyɔ waŋ ayaŋ ba ntha yo ntha, awa wɔ yo ka wo punku kanita niŋ ntha. Awa yaŋ iŋ Fandaŋ woŋ wɔ wunthe na miŋ.”

Yama batɔli wobathɛrɛgbɛŋ woŋ. Nɔŋ na kɔthɛ nthɔŋ yama Fandaŋ woŋ na, e yaŋ kɔthɔ Fandaŋ woŋ; nɛna kɔthɔ yaŋ takɛŋ niŋ beŋ, awa takɛŋ niŋ beŋ yama kɔthɔ. Yaŋ kɔŋ dunkuŋ sii bakiyaŋ baŋ ba takɛŋ niŋ beŋ.

Wɔ yo ka wo yama punku kɔra, yɔkɔŋ yama dunkuŋ sii niŋ baŋ ka mathimo makiyaŋ maŋ. Yaŋ kiŋ iŋ sɛmbɛ ba bɛŋ dunkuna iŋ ba bɛŋ hɛlɛŋ duwa ka kuta. Haŋ haŋ baŋ huna ŋinde yama Fandaŋ woŋ ba yaŋ si niya.”

Huna dome hɛlɛŋ Yisɔs kɛnamɛŋ, na “Yaŋ kɔŋ bena tepe nɔndi baŋ, yama biyo hu ba biyande ka kubinthi ku ka takɛŋ beŋ koŋ.

Wɔ wo gbako ba dethiteke takɛŋ beŋ woŋ, ndɛ kutɛ biyɛ bindɛ gbeeŋ. Naa ndɛ kute nthɔŋ yaŋa woŋ si seeyɛ takɛŋ beŋ, ndɛ kɔŋ pɛy takɛŋ beŋ e ndɛ kita napoŋ. Awa yaŋa woŋ kɔŋ si thiyɔkɔ takɛŋ beŋ e ndɛ bindɛ pankitinuwande.

Yisɔs tepe, na “Yaŋ kɔŋ bena tepe nɔndi baŋ, wɔ yo wɔ wo sa biiyande ka biyo hu ka kubinthi ku ka takɛŋ beŋ koŋ, kɛrɛ e ndɛ biiyande gboŋa bahɛna, wɔ bɛina batuwaŋ na wundɛ iŋ bakanati biya munki ka kansuŋ.