آیات محبوب کتاب مقدس از Yakobe 3

به اشتراک گذاشتن

Kambe vutlhari bzota hi le henhla, bzi ni kurhula, ni kuwolova, ni kuyingiseta, bzitele musa ni mihandzu leyinene; kambe ngopfungopfu bzitengile; abziyi hi nghohe, kumbe kukanganyisa.

Xikarhi ka n'wina i mani lweyi atlhariheke, lweyi anga ni vutivi xana? Aakombise mintirho ya yena hi mahanyela lamanene, lawa manga ni vutlhari ni kutitsongahata.

Kutani mihandzu ya mahanyela lamalulameke yihuma ka mbewu leyingabzaliwa hi kurhula, hi vanhu lavatirhaka mintirho ya kurhula.

Hikuva laha mavondzo ni moya wotirhandza svinga kona, ku ni mpfilumpfilu, ni mayendlela hinkwawu yohomboloka.

Ha rona hidzunisa Hosi, lweyi anga Tatana; nasvona ha rona hirhuketela vanhu lavayendliweke hi xifaniso xa Xikwembu. Non'weni wun'we kuhuma kudzunisa ni kurhuka. Vamakwerhu, lesvi asvifaneli kuva tano.

Ririmi na rona i ndzilo, kuhomboloka ka rona kuringana ni tiko hi vukulu. Ri le xikarhi ka svirho sva hina, kutani rinyamisa miri hinkwawu, nasvona ritshivela ndlela hinkwayu ya ntumbuluku; kambe rona ritshiveliwa hi ndzilo wa le Tiheleni.

Kambe aku na munhu lweyi angakotaka kufuma ririmi; i kubiha loku kungarhuteliki, ritele hi mahlungu lawa madlayaka.

Vamakwerhu, asvifanelanga lesvaku lavotala xikarhi ka n'wina vahundzuka vajondzisi, hikuva masvitiva lesvaku kuyavanyisiwa ka hina vajondzisi, kutatika kutlula kuyavanyisiwa ka vanhu lavan'wana.