آیات محبوب کتاب مقدس از Yakobe 1

به اشتراک گذاشتن

Vamakwerhu, loko mihlangana ni miringo ya tinxakaxaka, yitekeni na yili mhaka ya kutsakisa svinene, hikuva masvitiva lesvaku loko kupfumela ka n'wina kutiya kuringiweni, svipsala kutiyisela.

Loko mun'we wa n'wina apfumala vutlhari, aakombele ka Xikwembu, lexinyikaka vanhu hinkwavu hi timpsalu, kungali ni kuvilela, kutani atanyikiwa bzona.

Vamakwerhu lavarhandzekaka, Tivani lesvi: Munhu mun'wana ni mun'wana aahantlise kutwa, ahlwela kuvulavula, ahlwela kukariha.

Kambe kutiyisela ka n'wina kufanele kutirha ntirho lowuhetisekeke, lesvaku miva lavohetiseka ni kululama hi matlhelo hinkwawu, mingapfumali nchumu.

Miva vayendli va rito, mingavi vatwi ntsena lava vatikanganyisaka.

Kukatekile munhu lweyi atiyiselaka kuringiweni, hikuva loko ahlulile miringo, atanyikiwa hari ya vutomi leyi Xikwembu xiyitshembiseke lava vaxirhandzaka.

Nyiko yin'wana ni yin'wana leyosaseka ni minkateko hinkwayu leyihetisekeke svita hi le henhla, svixika hi le ka Muvumbi wa lesvivoningaka, lweyi kungahava kucincacinca ka yena, kumbe kufularhela munhu asala xinyameni.

Hikuva loko munhu ali mutwi wa rito, angali muyendli, afana ni munhu lweyi alangutaka nghohe ya yena ya ntumbuluku ka xib'uku; hikuva wa tinyanga ava asuka afamba, kambe ahantla arivala lesvi ativoneke na ali xisvona.

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.

Kungavi ni munhu lweyi, loko aringiwa, ango: “Niringiwa hi Xikwembu.” hikuva Xikwembu xingakala xingaringiwi hi lesvobiha; na svona, xona hi xoxe, axiringi munhu ni mun'we. Kambe munhu mun'wana ni mun'wana waringiwa loko akokiwa ni kuphasiwa hi kunavela ka yena n'winyi.

Makwerhu lweyi anga vusiwaneni, afanela kutsaka loko atlakusiwa