آیات محبوب کتاب مقدس از MATHAYO 19

به اشتراک گذاشتن

Nake Jesu, akĩmarora akĩmera, Ũndũ ũcio ndũngĩhoteka nĩ andũ, no maũndũ mothe mahotekaga nĩ Ngai.

Tondũ wa ũguo matigacoka gũtuĩka erĩ, no mwĩrĩ ũmwe. Nĩ ũndũ ũcio-rĩ, arĩa Ngai agwatanĩtie mũndũ ndakanamatigithanie.

Nake agĩcokia ũhoro akĩmoria atĩrĩ, Kaĩ mũtathomete atĩ, Ũrĩa wombire andũ gwata kĩambĩrĩria, aamombire marĩ mũndũ mũrũme na mũndũ mũka, na akiuga atĩrĩ, Nĩ ũndũ ũcio mũndũ mũrũme nĩagatigana na ithe na nyina, magwatane na mũtumia wake; nao erĩ matuĩke mwĩrĩ ũmwe?

Nowe Jesu akĩmera, Rekei twana tũũke kũrĩ niĩ, na tigai gũtũgiria: nĩ ũndũ ũthamaki wa Igũrũ nĩ wa arĩa matariĩ tatuo.

No rĩrĩ, andũ aingĩ arĩa marĩ a mbere magatuĩka a thutha, na arĩa marĩ a thutha matuĩke a mbere.

Na mũndũ o wothe ũrĩa ũgakorũo atigĩte nyũmba ciake, kana ariũ a nyina, kana aarĩ a nyina, kana ithe, kana nyina, kana ciana, kana ithaka, nĩ ũndũ wa rĩĩtwa rĩakwa, nĩakaheo maita igana, na agaĩrũo muoyo ũrĩa ũtagathira.

Nake Jesu akĩmwĩra, Ũngĩenda kwagĩrĩra kũna, thiĩ ũkendie indo iria wĩ nacio ũhe athĩni, na nĩũkagĩa na ũtonga Igũrũ: na ũũke ũ’hikĩre.

Nake akĩmũcokeria atĩrĩ, Ũgũkĩnjũria niĩ ũhoro wa ũndũ ũrĩa mwega nĩkĩ? Nĩkũrĩ o Ũmwe mwega: no rĩrĩ, ũngĩkĩenda gũtonya muoyo-inĩ, ikaraga ũiguĩte maathani.

Na ningĩ ngũmwĩra atĩ, Nĩ ũhũthũ ngamĩra ĩhungure kahoro ga cingano kũrĩ gĩtonga gĩtonye ũthamaki-inĩ wa Ngai.

Na ngũmwĩra atĩrĩ, Mũndũ o wothe ũngĩte mũtumia, tiga o ũndũ wa ũtharia, na ahikie ũngĩ, gũtharia nĩatharĩtie: na ũrĩa ũngĩmũhikia, hĩndĩ ĩo ateetwo, ũcio nĩatharĩtie o nake.

Nake Jesu akĩĩra arutwo ake, Ngũmwĩra atĩrĩ na ma, nĩ ũndũ wĩ hinya gĩtonga gĩtonye ũthamaki-inĩ wa Igũrũ.