آیات محبوب کتاب مقدس از فِلِپّیوں 1

به اشتراک گذاشتن

تے مَینُوں یقِین اے پئی جِس تُہاڈے وِچ نیک کمّ شُروع کِیتا اے۔ اوہ اوہنوں یِسُوع مسِیح دے دِن تِیکر پُورا کر دے گا۔

تے ایہہ دُعا کرنا آں پئی تُہاڈی مُحبّت عِلم تے ہر طرح دی پچھان نال ہور وی وَدّھدِی جاوے۔ تاں جو چَنگیاں چَنگیاں شیواں نُوں پرکھ سکو تے مسِیح دے دِن تِیکر صاف دِل رہو۔ تے کدی ٹھیڈا نا کھاؤ۔

ایس لئی پئی جِیونا میرے بھانے مسِیح اے۔ تے مرنا کھٹّی۔

مَیں جدوں تُہانوں یاد کرنا آں تَد ہرویلے اپنے خُدا دا شُکر کرنا آں۔

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

ایس لئی پئی میرے دِل دی تاہنگ تے آس ایہو ای اے پئی مَیں کِسے گلّ وِچ شرمندہ نا ہوواں سگوں پُوری دلیری صدقہ جیویں مسِیح دی وڈیائی میرے بدن دے سببّوں سدا ہوندی رہی اے اوسے طرح ہُن وی ہوئے گی۔ بھانویں مَیں مر جاواں تے بھانویں مَیں جِیوندا رہاں۔

کیوں جو مسِیح دی خاطر تُہاڈے اُتّے ایہہ فضل ہویا۔ پئی نا نِرے اوہدے اُتّے اِیمان لیاؤ سگوں اوہدی خاطر دُکھ وی سَہندے رہو۔