آیات محبوب کتاب مقدس از ۲-تھِسّلُنِیکوں 2

به اشتراک گذاشتن

کِسے طرح کِسے دے دھوکھے وِچ نا آ جانا کیوں جو اوہ دِن نئیں آؤنا جد تِیکر پہلاں برگشتگی نا ہوئے۔ تے اوہ گُناہ دا بندہ یعنی ہلاکت دا پُتر ظاہر نا ہوئے۔

پر بھراؤ! خُدا دے پیاریو ساڈا فرض اے پئی ہرویلے تُہاڈے ولّوں خُدا دا شُکر کریئے۔ کیوں جو خُدا مُڈھوں تُہانوں چُن لیا۔ پئی رُوح دی راہِیں پاک بن کے تے سچیائی اُتّے اِیمان لیا کے نجات پاؤ۔

جیہڑا مخالفت کر دا اے۔ تے ہر اِک کولوں جیہڑا خُدا اکھواؤندا اے۔ یا جِہدی مَنتا ہوندی اے۔ اپنے آپ نُوں اُچّا کر دا اے۔ ایتھوں تِیکر پئی اوہ خُدا دے مَقدِس وِچ بَہہ کے اپنے آپ نُوں خُدا ظاہر کر دا اے۔

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔ تُہاڈے دِلاں نُوں تسلّی دے تے ہر نیک کمّ تے گلّ وِچ پَکیّاں کرے۔

ایس لئی خُدا اوہناں اُتّے بدراہی دی تاثِیر گھلّے گا۔ تاں جو اوہ جُھوٹھ نُوں سَچ جانن۔

یعنی اوہ بندہ جِہدا آؤنا شیطان دی تاثِیر دے سببّوں ہر طرح دی طاقت تے نشانِیاں تے جُھوٹھے عجوبیاں نال۔ تے ہلاک ہون والیاں لئی ناراستی دے ہر طرح دے دھوکھے نال ہوئے گا۔ ایس لئی پئی اوہناں سچیائی دی مُحبّت نُوں قبول نا کِیتا جِہدے نال اوہناں دی نجات ہوندی۔

کیوں جو بے دِینی دا بھیت ہُن وی عمل پیا کر دا اے۔ پر ہُن اِک ڈکن والا اے۔ تے جد تِیکر اوہ ہٹایا نا جائے ڈکدا رہے گا۔