آیات محبوب کتاب مقدس از ۱-تھِسّلُنِیکوں 5

به اشتراک گذاشتن

ہر ویلے خُوش رہو۔ ہر ویلے دُعا منگو۔ سبھناں گلّاں وِچ شُکر گُزاری کرو۔ کیوں جو مسِیح یِسُوع وِچ تُہاڈے واسطے خُدا دی ایہو مرضی اے۔

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔ تُہاڈا سَدّن والا وفادار اے۔ اوہ ایسے طرح کرے گا۔

خیال رکھو پئی کوئی کِسے نال بدی دے بدلے بدی نا کرے۔ سگوں ہر ویلے آپو وِچ تے سبھناں نال نیکی کرن دے پِچّھے لگّے رو۔

سو تُسی اِک دُوجے نُوں تسلّی دیو تے اِک دُوجے دی ترقی دا سبّب بنو جیویں تُسی کر دے وی ہو۔

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

کیوں جو خُدا سانُوں غضب واسطے نئیں پر ایس واسطے مُقرّر کِیتا اے۔ پئی سانُوں اپنے خُداوند یِسُوع مسِیح دی راہِیں نجات مِلے۔

کیوں جو تُسی سارے چانن دے پُتر تے دِن دے پُتر اوہ۔ اسی نا رات دے آں نا ہنیرے دے۔