آیات محبوب کتاب مقدس از MARKUS 9

به اشتراک گذاشتن

E Yesusam, “‘Or fak ipic epen,’ inim aemenem nat ucimaram? Allah e takas e a basicimnak ow aemtamcema araman.” Inim aeefen.

E jiwi aricipicam atakam asarimfakaytawefen. “Dor Allah asicimamin. Do nat, Allah basicimkurum opoknew, oram e basicimkurum bi binip tetamcan.” Inim aeefen.

Bare, Yesus e cem afisefen. Cem afisef masirin, e amamkawi ow, jonow Yesus arop atowfesen. “Dar e dat botewerisim empororom opok, ucim inimaram?” Inim aefesen. E Yesusam, “Car janim Allah manim opok aecokom car inim dat bwemotewerisim asan opok.” Inim aeefen.

Garam, bare akat ara. Garam epcom pokam of bwemem asan opok. E nat, garam jema opok aemamescownew, ow e garam jemaas bwemokenemapom asan opok. Bare, caram e akat garam jipuas mamemey. Car pwicak ow mememasin. Inimas caram caramaman damos aamjiomey.” Yesus inim aeefen.

“Ow damos dor ajiomcenes, wunam ar inim jiwi kanim dor atowomiwtamcenes, bare e ow doram atowomiwcemenes. E dor atowomiwcemenes ow, dorop batowomiw opok. Ar e dor atewenamfan ipicam atowomiwcemes.” Inim aeefen.

Atakamnak ara, ow car Kristus mamkawi ow aporcan, inimas aram bwi car atetamcan, bare Allah asan akat e ow aomcema araman.”

“Wun jiwi kanim asicimamenes. Ow inim jiwi cowoknakap dosa bwem ajijimtawces, bare e ow asan pwicaknakut aemapcemes. Wun ow, ek awut e ow fomak manam ajikapomfes, wunam e ow e jicupum bwi ajupumfes, bare inimas bap a takam aemfes ayaw, e ow asan akat inim aemapfes.

E omanmok or dosa bwem aomcannew, bare e manmok mamweremtewey. Or poman manmok cowok aememcemnew, wunam e Allah Pemerintah Asan afiwemcemnew, bare asan akat aememcemem. E nat, or manmok jamnuk takas aememcemnew, wunam Allah or neraka ajiwimcannew, bare asan pwicaknakut aememcemem.