آیات محبوب کتاب مقدس از Iohane 19

به اشتراک گذاشتن

Kaupuna Iesu mohipipi anggoroꞌ iti, molaluita miꞌi, Nauliꞌ, “Hópóꞌ miꞌi bágóꞌKuꞌ!” Roo onoꞌ, motóngkóꞌ, hai upu miꞌi inaoNa.

Ánti kanaisána miꞌi Iesu kahópóꞌna miꞌi upu-upu peundeꞌána Pueꞌ Ala to hangaa-ngaa Napeuláꞌi, molaluita miꞌi Nauliꞌ, “MangkadoꞌuAꞌ” bona tebukeki apa to teukiꞌ i lalu Sura Magasaꞌ.

Kanaitána Iesu ináNa meángkáꞌ i hintáiꞌna topeguruNa to napokaꞌahiꞌ, Iesu mampolaluitaꞌá ináNa, Nauliꞌ, “Inaꞌ, iti miꞌi ánáꞌmu.” Hai Nahángáꞌá woꞌo topeguruNa iti, “Iti miꞌi inámu.” Mantepuꞌu hangko ionoꞌ, topeguruNa iti mokádipurá inána Iesu i támbina.

Agáiáná i kahaweꞌraꞌ iti, raita Iesu mate miꞌi, onoꞌ miꞌi haneꞌi tiꞌara mewaliꞌ ratepóꞌ bitiNa. Agáiáná hadua surudadoꞌ moala tawalaꞌna motohuꞌ lompena Iesu. KaratohuꞌNa iti, moili miꞌi waheꞌ hai uwai.

Iti mewaliꞌ bona tebukeki apa to teukiꞌ hangkoia i lalu Sura Magasaꞌ to manguliꞌ, “Tiꞌara mpuꞌu ara hangkau buꞌuNa to ina ratepóꞌ.” Ara woꞌo to teukiꞌ i lalu Sura Magasaꞌ to manguliꞌ, “Hira ina mampengoaꞌheꞌ Ia to ratohuꞌ miꞌi.”

Karaꞌántina miꞌi surudadoꞌ toRoma Iesu iti, Ia haduduáNa mopáháꞌá kau mombehape lao i rawa kótá haweꞌ i Buluꞌ Bangaꞌwuáꞌ. I lalu básáraꞌ toIahudiꞌ, Gologota.

Surudadoꞌ iti mopakóiꞌ Iesu, mobábehiheꞌ hambuaꞌ tatali hangko i dui, lenggeꞌna nodo tatali datu, haneꞌi ratataliá Iesu. Roo onoꞌ, Ia rabadui hai kumbá to makámumu nodo kumbá datu.