آیات محبوب کتاب مقدس از Yaƹqub 1

به اشتراک گذاشتن

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen. Kenniw ṯessnem marra ȓemḥayen-a iy ṯseƹḏum ƹlaḥsab lʼiman nwem tawint-id ṣṣbar.

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

U labud ṣṣbar-a aḏaywem ikemmeȓ ccɣeȓ nnes ḥima aḏ temɣarem aḏ tƹemmarem s lʼiman war ḏawem ṯneqqiṣ uȓa ḏ ijjen n ȓhajeṯ.

Fa maci aḏ tesȓem i wawaȓ n Arebbi u ṣafi; Itxeṣṣa-kenniw azzayes ṯxeddmem ḥima war ṯxeddƹem ca ixef nwem.

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.

Maṯalan, ijjen ixezzar ḏeg uɣembub nnes mliḥ ḏi ṯisiṯ waha. Wami ixzar mliḥ, iruḥ ittu ḏeɣya ixef nnes mammec iǧa. Ammu ig iǧa wenni itsȓan i wawaȓ n Arebbi war zzayes ixeddem ca.

Ddin iṣfan iy inqan ɣar Arebbi Babaṯneɣ min iƹna? Iƹni bnaḏem itraḥ ɣar yujiȓen ḏ ṯajjaȓin aṯen iƹawen ḏeg uzeyyar nsen, aḏ iḥḍa ixef nnes ḥima war ṯ twessix ca ddunect-a.

Meȓa itwaɣarra can yijjen, itxeṣṣa-yas war iqqar ca qa ḏ Arebbi iy ḏayi itɣarran. Lla, Arebbi war itɣarri ḥadd, war itwaɣarri ca s ccarr. Netta bnaḏem itwaɣarra s ssabab n ccehweṯ nnes ṯaƹeffant, nettaṯ iy ṯ itjarran nettaṯ iy ṯ ixeddƹen.

Fa itxeṣṣa-yas i ȓmeskin ig yumnen aḏ iftaxar minzi isgaƹƹeḏ-iṯ Arebbi.