آیات محبوب کتاب مقدس از Isajos 6

به اشتراک گذاشتن

Me šundjom Ráskire-Devléskiri zan. Jov phenelas: “Konés Mánge te bičhavav? Kon poddžála vaš Aménge?” Me phendjom: “Ake, me som, bičháv man.”

Jone kharenas jekh jekhés i rakirénas: “Svénto, Svénto isyn Raj Devél, bolybnáskire-jangoléngiro, sarí phuv isyn pherdý Léskire baripnasa!”

Me phendjom: “Bida mánge! Xasijom me, pal-dová, so me som manúš nažužé ušténca, me dživáva maškír manušénde nažužé ušténca, i jakhá miré dykhenas Kralís, Ras-Devlés, bolybnáskire-jangolengires.”

Dro dová berš, kóli myjá králi Ozíia, me dykhcjom Ras-Devlés, Savó bešelas pe vučó kralítko štéto, a jagóro (krajo) pe uribén Léskiro pherdiakirdiá sarí Khangirí.

Jov čiladiá miré uštá i phendiá: “Ake, davá čiladiá tyré uštá, nálačho réndo tyró isyn lynó krig tútyr, i grého tyró isyn žužakirdo.”

Pašýl Léste sys terdé sierafimy: kažnonéste léndyr sys šov phaká (kryly); duje phakenca kažno zakerelas péskiro muj, iščo (inké) duje phakenca zakerelas péskire ĥerá, a duje phakenca vurnialas.

Tén'ci vurniandyja ke me jekh sierafimendyr, a dro léskiro vast sys xačkirdo vangar, savó jov lyjá altarjostyr.

Jov phendiá: “Džá, phen dalé narodoske: ‘Javéna te šunén – i na ĥaljona, javéna te dykhén jakhénca – i na rozdykhena [dykhéna-r.s.].’

Pal-dová so nakovlo jaciá dalé-narodoskiro iló, pharés lénge te šunén zakerde jakhénca, i na dykhéna jakhénca, i na šunéna kanenca, i na ĥaljona ilésa, i na obrisjona, sob (kaj) Me te vysastiakirav len.”