آیات محبوب کتاب مقدس از Isajos 54

به اشتراک گذاشتن

Kon by na ĥazdelaspe pe túte vari-sósa, ničí túsa na kerélape; so b na rakirénas pal túte pe séndo, jone javéna bangé, a na tu. Davá isyn dáro syr meknó mištypén, so priléna Ráskire-Devléskire pishárja, jone javéna otmekne i davá isyn Mándyr,” – rakiréla Raj Devél.

Bérgi zdžana péskire štetóstyr, bérgicy izdrana, Miro lačhipén tútyr na otdžala, Zavieto, dre savó isyn Miro ramánjo (miro) na parudjola”, – rakiréla Raj Devél, Savó tanginela tut.

Na dar, tu na javésa ladžakirdy; na ladža, nikón tut na ladžakirela; Tu bistresa ladžaipén, savó prilyjan dre terné beršá; i tu na javésa te ripires pal ladž, saví tu prilyjan, syr sánas biromeskiri.

Kodová, Kon sozdyjá tut, isyn tyró rom; Raj Devél, bolybnáskire-jangoléngiro isyn Léskiro lav; Svénto Izrailjoskiro tut vykinela; Jov kharlape saré-phuvjákire Devlésa.

Ker butýr štéto vaš tyrí šátra; ker šátra baredyre pologenca, na ladža! Protyrde šyle dlugedyr, zamar tyré kilore (konki).

Saré Tyré čhavé javéna te sykljon Rástyr-Devléstyr; javéla lénde baró ramánjo (miro).

Xoliasyjom Me pe túte, garadjom tútyr Miro muj pe nábut, ne Me potanginava tut baré lačhipnása, – rakiréla Raj Devél, Savó vykindia tut.

Me jačkirdjom pe nábut tut, ne baré tangipnasa (žalimasa) Me prilava tut pale.

Davá isyn vaš Mánge syr paní dre Nojoskire dyvesá; syr sovlahadjom, tén'či, kóli dživelas Nojo, so paní butýr na javéla pe phuv, adiáke sovlahadjom, so Me na lavá te xoliasovav pe túte.

Me keráva tyré fenštry rubinendyr i tyrí pórta mutinendyr (žemčužynendyr), i saró tyró tyno drogoné barendyr.