آیات محبوب کتاب مقدس از Isajos 46

به اشتراک گذاشتن

Me phenáva angledýr saréstyr, so tén'či dro kónco (dro jagóro) javéla, ĥaratuné časostyr Me rakiráva pal dová, so iščo (inké) na kerdiápe: Javéla pir Miro godypén (sovieto); Me keráva saró, so Mánge isyn pir iló. Me khardjom orlós (kidós) vastokóstyr; duratuné rigátyr Me khardjom odolés, kon keréla pir Miro priphenybén. Me phendjom i keráva ke kónco (jagóro); angilphendjom i javéla adiáke.

Tumé phurjona, a Me adasavó javáva; parnjona tumaré balá, a Me javáva te lydžav tumen. Me sozdyjom tumen i lavá te lydžav, Me láva te podrikirav, Me javáva te rakhav tumen.

Priripiren dová, so sys angledýr saréstyr, pal-dová so Me som Devél i nane javire Devlés, nane nikonés, kon zdžála (podžala) pe Mánde.

Šunén man, kher Jakovóskiro, saré, kon jaciápe Izrailjoskire kheréstyr, konés Me prilyjom bijanypnastyr i Me lydžavas dákire ločoviátyr.