آیات محبوب کتاب مقدس از Isajos 45

به اشتراک گذاشتن

I Me otdáva túke garadé dro kalypén (cjomnyma) kučipena (sokroviščy) i prirakhne barvalypena, sob (kaj) tu te ĥaljos, so Me som Raj Devél, Savó kharéla tut pir lav, Savó isyn Devél Izrailjoskiro.

‘Me džáva angíl túte, bérgi rosphagirava, xarkuné (miedítka) vudará rozmarava, i štaby (zapory) sastruné piriphagirava.

Me som Raj Devél i javirés nane; nane Devlés apríč Mánde, Jekh Me som. Me vykedyjom tut, kóli tu na džindian Man, sob (kaj) te džinén vastokóstyr, kaj kham ĥazdélape i ke zapado (pal-panitko rig), kaj kham bešéla, so nane javire Devlés: Me som Raj Devél i javirés nane.

Me keráva dud (svéto) i keráva kalypén (cjomnyma), Me dáva ramánjo (miro) i keráva bari bída (bibáht); Me, Raj Devél, keráva davá.

Ke Me obrisjon i tumé zrakhenape, saré jagóry (kraí) pe phuv, pal-dová so Me som Devél i nane javirés.

Adiáke rakiréla Raj Devél ke Kira, savés Jov pomakhcia: Me rikirava tut pal čačó vast, sob (kaj) te otdav túke narody, Me zlava kustyka, so sys pe trušula kral'jénde, sob (kaj) te otkeren túke vudará, i sob (kaj) pórta te na zaphandelpe.

Me Kokoró Pésa sovlahava: Miré uštendyr vydžála čačipén, lav, savó na parudjola, so angíl Mánde peréla pe čangá kažno ródyco, pe Mánde sovlahala kažno jekhe-čibakiri iri (čib).

Vaš Jakovóske, Miré pisharíske, vaš Izrailjo, Konés Me vykedyjom, Me khardjom tut pir lav, dyjom túke patýv, mek (xot') tu na džindian Man.