آیات محبوب کتاب مقدس از Meꞌe Haka Takeꞌa 8

به اشتراک گذاشتن

I kume era e te Māmoe i te hitu tāmaꞌu mai ruŋa i tū taka parau era, e toru ꞌahuru minuti i kiva-kiva ai a ruŋa o te raŋi.

He puhi ia te merahi raꞌe i tāꞌana koneta. ꞌI rā hora he ava a ruŋa i te henua i te mata-matāika ꞌe i te ahi e ꞌānoꞌi rō ꞌana hai toto. He vera e tahi ꞌapa o te ꞌapa e toru o te henua ꞌe o te tumu, ꞌe te mauku ritomata taꞌatoꞌa.

I oti era he uꞌi atu a au ko te manu nui-nui e tahi e rere rō ꞌā ꞌi vāeŋa o te raŋi e ohu pūai ꞌā: «¡ꞌAu-auē te taŋata o ruŋa i te henua ka puhi ena te ŋā koneta haka ꞌou ena e toru!».

He puhi ia te rua merahi i tāꞌana koneta. He ava a roto i te vaikava i te meꞌe tuꞌu pa he maꞌuŋa nui-nui e tahi e ura rō ꞌana e te ahi. He riro rō atu ꞌai he toto e tahi ꞌapa o te ꞌapa e toru o te vaikava.

He puhi te toru merahi i tāꞌana koneta. He viri mai te raŋi te hetuꞌu nui-nui e tahi e ura rō ꞌana pa he rama ki roto i te ꞌapa e tahi o te ꞌapa e toru o te rio ꞌe o te kona manana vai. Te ꞌīŋoa o rā hetuꞌu ko Maŋeo. He maŋeo rō ꞌai ia te vai o rā ꞌapa era e tahi, ꞌe meꞌe rahi nō atu taŋata i mā-mate ꞌi rā vai.

He puhi te hā merahi i tāꞌana koneta. He haka kore i te māꞌeha o te ꞌapa e tahi o te ꞌapa e toru o te raꞌā, o te māhina ꞌe o te hetuꞌu, ꞌe he pōhāhā rā ꞌapa. Pē ira i pōhāhā ai e tahi ꞌapa o te ꞌapa e toru o te pō ꞌe o te ꞌōtea.