آیات محبوب کتاب مقدس از Meꞌe Haka Takeꞌa 7

به اشتراک گذاشتن

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.

Taꞌatoꞌa e ohu pūai era: «¡A tātou i eꞌa nei mai roto i te ūtuꞌa o te hara ꞌe i ravaꞌa nei i te ora ꞌāpī ꞌina he hopeꞌa raꞌa hai ꞌAtua nei o tātou e noho mai nei ꞌi ruŋa i te pepe ꞌariki ꞌe hai Māmoe!».

ꞌo te ai te Māmoe era ꞌi vāeŋa o te kona pepe ꞌariki era he hāpaꞌo i a rāua pa he taŋata hāpaꞌo māmoe e hāpaꞌo ꞌana i tāꞌana māmoe. Māꞌana e maꞌu ki te kona vai vaꞌai i te ora ꞌāpī ꞌina he hopeꞌa raꞌa, ꞌe mo te ꞌAtua e haroꞌi i te rāua matavai.

»ꞌO ira a rāua e māroa ena ꞌi muꞌa o te pepe ꞌariki o te ꞌAtua ꞌi te ⌊Kona ꞌAta Moꞌa⌋, ꞌe ka pō ka ꞌōtea e tāvini ena ki a ia. ꞌE o te kope era ꞌi ruŋa i rā pepe te hokorua ꞌe te hāpaꞌo. E ko maruaki haka ꞌou, e ko pohe haka ꞌou ki te vai, e ko vera haka ꞌou ꞌi te pūai o te raꞌā, ꞌe ꞌina e ko ꞌati ꞌi te veꞌa-veꞌa

«¡Ē, ꞌina kōrua ko tōtōā i te henua, i te vaikava ꞌe i te tumu ꞌātā ka tāpaꞌo tahi rō e mātou a te tira i te tāvini o te tātou ꞌAtua!». I ŋaroꞌa rō e au e hia rahi o rā nuꞌu era mo tāpaꞌo: e hoꞌe hānere maha ꞌahuru mā maha taꞌutini o roto i te mata taꞌatoꞌa o te itaraera.