آیات محبوب کتاب مقدس از Māteo 19

به اشتراک گذاشتن

He uꞌi riva-riva e Ietū ꞌe he pāhono: —E ko ravaꞌa, ki te hora hopeꞌa, e te kope e tahi mo haka eꞌa i a ia mau ꞌā mai roto i te ūtuꞌa o te hara. Mo te ꞌAtua mau nō e haka eꞌa. ꞌIna, paꞌi, e tahi meꞌe mo taꞌe ravaꞌa e ia mo aŋa.

E ko ai haka ꞌou hoko rua, e tahi mau nō a rāua. ꞌO ira, ꞌina ko haꞌataꞌa te taŋata i te meꞌe haka piri e te ꞌAtua.

He pāhono e Ietū: —¿Kai taiꞌo ꞌō a kōrua ꞌi te kona hāꞌaki ꞌi ruŋa i te ⌊Pāpaꞌi Moꞌa⌋ pē nei ē: te Kope aŋa era i a rāua ꞌi te haꞌamata iŋa o te ao «he tane ꞌe he vahine i aŋa ai», ꞌe te kona hāꞌaki takoꞌa: «ꞌO ira te taŋata ka haka rē ena i tōꞌona matuꞌa tane ꞌe matuꞌa vahine mo hāipo-ipo ki tāꞌana viꞌe ꞌe he riro rō ꞌai e tahi nō hakari»?

He kī ia e Ietū: «E haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋, paꞌi, mo te nuꞌu pa he ŋā poki».

ꞌĪ a au he kī atu: meꞌe rahi nuꞌu ko rāua te raꞌe ꞌi te hora nei, pe muꞌa ka oho ena ko rāua te hopeꞌa; ꞌe meꞌe rahi nuꞌu ko rāua te hopeꞌa ꞌi te hora nei, pe muꞌa ka oho ena ko rāua te raꞌe.

ꞌE te nuꞌu taꞌatoꞌa haka rē hai au i te rāua hare, i te rāua taina tane, taina vahine, i te rāua matuꞌa tane, matuꞌa vahine, i te rāua ŋā poki, ꞌe i te rāua henua, he vaꞌai e te ꞌAtua e tahi hānere haka ꞌou o te meꞌe, ꞌe i te ora ꞌāpī ꞌina he hopeꞌa raꞌa.

He pāhono e Ietū: —Mo haŋa ōꞌou mo riro he taŋata ꞌina e tahi hape, ka oho ka hoꞌo tahi tuꞌu hauhaꞌa ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

He pāhono e Ietū: —¿He aha rā koe e ꞌui mai ena o ruŋa i te meꞌe he riva-riva? Te kope riva e tahi mau nō: he ꞌAtua. ꞌE mo haŋa ōꞌou mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua, e haꞌatura tāꞌana roŋo.

ꞌE he kī haka ꞌou atu a au: i hau rō atu ꞌi te aŋarahi mo te taŋata ꞌono mo haka rē i a ia mo haka tere e te ꞌAtua, ki te oꞌo o te kameio a roto i te mata o te ivi.

ꞌĪ a au he kī atu: te kope haꞌataꞌa mai tāꞌana viꞌe, ka ai atu kai taiꞌata hia rā viꞌe, ꞌe he hāipo-ipo ki te rua, e taiꞌata ꞌā rā kope.

He meꞌe ia e Ietū ki tāꞌana nuꞌu hāpī: —ꞌĪ a au he kī atu: aŋa riꞌa-riꞌa te taŋata ꞌono mo oꞌo ki roto i te haka tere iŋa ꞌāpī o te ꞌAtua.