آیات محبوب کتاب مقدس از Марк 9

به اشتراک گذاشتن

– «Зыгорэ пшӀэн плъэкӀыщтмэ» оӀо, – риӀуагъ Исус а лӀым. – ШӀошъхъуныгъэ зиӀэм сыдрэ Ӏофи ышӀэн елъэкӀы.

Ардэдэм кӀалэм ятэ къэкууагъ: – Сэ сшӀошъ мэхъу, сишӀошъхъуныгъэ хэзгъэхъонэу къыздэӀэпыӀ, тхьэматэ.

Ащ ыуж Исус унэ горэм ихьагъ. Игъогу рыкӀохэрэр язакъоу къызынэжьхэм, къеупчӀыгъэх: – А джынапцӀэр тэ хэтфын зыкӀэтымылъэкӀыгъэр сыда? – Мыщ фэдэ лъэпкъыр тхьэлъэӀумрэ нэкӀымрэ афэшъхьафкӀэ цӀыфым хэпфышъущтэп, – ариӀожьыгъ Исус.

– Щыгъур дэгъу. Ау щыгъум ищыугъэ хэкӀымэ, сыдэущтэу ар шъущыущта? Щыугъэ зыхэжъугъэлъ, шъузэгурыӀоуи шъузэдэпсэу.

– Хэти мыщ фэдэ сабыир сэ сцӀэкӀэ къезгъэблагъэрэм сэ сыригъэблэгъагъэу мэхъу; хэти сэ сезгъэблагъэрэми сэ сизакъоу арэп ригъэблагъэрэр, сэ сыкъэзгъэкӀуагъэри ары.

Шъыпкъэр шъосэӀо, Христос игъогу шъузэрэрыкӀорэм пае, псы шъуалъэ шъуезгъашъорэм ифэшъошэ ӀахьышӀу шӀокӀодыщтэп.

– Мы цӀыкӀухэм ащыщэу сэркӀэ шӀошъхъуныгъэ зиӀэм псэкӀод ышӀэнэу хэти дэзыхьыхырэм ыпшъэ мыжъошъхьал рашӀэу, хым хадзагъэмэ, ежьыркӀэ нахьышӀущтыгъ.

Ащ фэдэуи, о унэ псэкӀод пшӀэнэу удихьыхмэ, къитхъыжь. УнитӀу псаоу джэхьнэмэу цӀыфылыр зышхыщтэу, хьамлыухэр зыщымылӀэжьыщтэу, зимашӀуи мыкӀосэжьыщтым упадзэным нахьи, зы нэ нахь уимыӀэми, Тхьэм и Тетыгъошхо ыӀэчӀэгъ учӀэхьаныр оркӀэ нахьышӀу.