آیات محبوب کتاب مقدس از Апостол Якъубэ тхылъэу ытхыгъэр 1

به اشتراک گذاشتن

Сшыхэр, шъуишӀошъхъуныгъэ ишъыпкъагъэ зыгъэунэфырэ къин зэфэшъхьафхэм шъуахафэмэ, шъугушӀу, сыда пӀомэ, мы къинхэм шъуишӀошъхъуныгъэ ишъыпкъагъэ загъэунэф ужым, а къинхэм теубытагъэ къазэрыкӀэкӀырэр шъошӀэ.

Ау шъуащыщ горэм иакъылышӀуагъэ щыкӀагъэ иӀэмэ, Тхьэм ерэлъэӀу, ащи акъылышӀу къыритыщт. Сыда пӀомэ, зыми емыгыеу, игуапэу Тхьэм зэкӀэми аретышъ ары.

Сшы лъапӀэхэр, мыр зэжъугъашӀэ. Хэти дэӀонымкӀэ псынкӀэу орэхьазыр, ау шӀэхэу орэмыгущыӀ, псынкӀэуи орэмыгубж.

Теубытагъэми иӀоф рерэгъэкъу, лъэныкъо пстэумкӀи зишъыпкъагъэ щыкӀагъэ зимыӀэ цӀыф икъугъэхэу шъухъуным пае.

Тхьэм игущыӀэхэм шъуядэӀу къодыекӀэ хъущтэп, ахэр жъугъэцэкӀэнхэ фае. Армырмэ зышъогъэпцӀэжьы.

Зишъыпкъагъэ гъэунэфыгъэу, теубытагъэ зиӀэ цӀыфыр гъогу мафэ теуцуагъ, сыда пӀомэ, ишъыпкъагъэ гъэунэфыгъэ зыхъурэ ужым, мыкӀодыжьын щыӀэныгъэ танджэу ежь шӀу зылъэгъухэрэр къызэригъэгугъагъэхэр Тхьэм а цӀыфым къыритыщт.

Сыдрэ тын дэгъуи тын шъыпкъи уашъом къекӀы, уашъом щыӀэ нэфынэхэм я Тэ лъапӀэ дэжь къекӀы. ЗызэзыхъокӀырэ жьаухэм афэдэу ащ зызэблихъужьырэп.

Сыда пӀомэ, а гущыӀэхэм ядэӀоу зымыгъэцакӀэрэр, гъунджэм иплъэу ынапэ изэхэлъыкӀэ еплъыжьрэ цӀыфым фэд. Ар зэплъыжьышъ, ӀокӀыжьы, итеплъи зыфэдагъэр ащ лъыпытэу щэгъупшэжьы.

Ау Тхьэу Ты лъапӀэм дэжькӀэ шӀолӀыкӀ къабзэу щыкӀагъэ зимыӀэр мары: гузэжъогъум хэтхэу ибэхэмрэ шъузабэхэмрэ уалъыплъэнри, лажьэ уимыӀэнэу мы дунаим ибзэджагъэ зыщыудзыенри ары.

Ишъыпкъагъэ зыгъэунэфын къин цӀыф горэ хафэмэ, «Тхьэр ары сызгъэунэфэу сыдэзыхьыхырэр» ерэмыӀу. Бзэджагъэм Тхьэр зыӀэпищэшъущтэп. Бзэджагъэ ышӀэнэу зы нэбгыри Тхьэм дихьыхыщтэп. Хэти ежь ихъопсэ Ӏаехэр ары зыӀэпызыщэхэу, зыгъэнацӀэхэу дэзыхьыххэрэр.

Къош тхьамыкӀэр Тхьэм зэриӀэтыгъэмкӀэ орэгушӀо.