آیات محبوب کتاب مقدس از Марк 14

به اشتراک گذاشتن

Дугъу кӀуйи: – Авва! Адаш! Увхьан вари шулвухьан! Гьаму аьзабнаккан Узу ккадаъ! Аммаки Узуз ккунибси дарибшри, хъа – Увуз.

Гъафил махьанай. Учву тямягьвалариъ адрахъбан бадали ккарагай. Рюгь кӀубан ву, хъа беден – зяиф!

Гьякь кӀуразачвуз: дюнʼяйиъ му Ужувлан хабар наан рабгъури гъабшишра, думу кӀваин апӀиди ва дугъу гъапӀубдикан ктибтиди.

Исайи дурариз кӀуру: – Йиз юкӀв яман хажалатнаъ абхънайиз, гьамшвахь гъузай, гъафил махьанай!

Дурари хураг ипӀурайи вахтна, Исайи уьл гъадабгъну, ужуб сяаьт ибшри дупну, думу гьудубтӀуру ва, ученикарихьна туври, кӀуру: – Ма гъадабгъай, му Йиз беден вуйиз.

Зах гъадабгъну, чухсагъулин ккарагуб дапӀну, дурарихьна тувру. Хъа варидари дидʼан убхъуру. Дугъу дурариз кӀуру: – Му цӀийи йикьрар йитӀурайи ва гизафдарихъанди удубзурайи Йиз ифи вуйиз.

Исайи дурариз кӀуру: – Учву варидари Узлан хъугъвал алдабгъидичва, Гирами китабариъ дупнайиси: «Марччлихъан йикӀидиза, ва марччар даргъиди».

Гъудужвай, гъачай гъягъюрхьа! Лигай, масу туврайир багахь хьа.

– Гьякь кӀуразавуз, – кӀуру дугъаз Исайи, – гъи, гьаму йишван, даттли кьюб ражари уьъйир апӀайиз, шубуб ражари Узу аьгъюр дарзуз, пидива.