آیات محبوب کتاب مقدس از Ioane 16

به اشتراک گذاشتن

I akakite atura au kia kotou i teianei au tuatua, kia rauka to kotou au iaku nei. E tumatetenga to kotou i teianei ao: ka akamaroiroi ra, kua riro te re o teianei ao iaku.

Kia tae maira aia, ko te Vaerua tuatua-mou ra, nana ïa e arataki ia kotou ki te tuatua-mou katoatoa: kare oki tana tuatua e riro nana uaorai; ko tana ra e akarongo ra, ko tana ïa e tuatua mai: e nana oki e akakite mai kia kotou i te au mea e tupu a muri akera.

Kare rai a kotou apinga i pati ma toku nei ingoa: ka pati, e rauka ïa ia kotou, kia ki tikai oki kotou i te rekareka.

E tuatua-mou ra taku e karanga atu kia kotou nei, E meitaki ei kotou ko au e aere ke nei: angairi au kare e aere ke, kare e riro mai te Akapumaana kia kotou nei: kia aere ke ra au, naku ïa e tono mai iaia kia kotou nei. Kia riro maira aia, nana ïa e akakite mai ki to te ao i te ara, e te tuatua-tika ra, e te akaapa

Koia oki kotou ka aue i teianei: e kite akaou maira au ia kotou, e e mareka to kotou ngakau, e kare rava to kotou rekareka e riro ia etai ke. E kia tae ki taua rā ra, kare kotou e ui mai kiaku. Tika, tika tikai taku e karanga atu kia kotou, Ta kotou e pati atu i te Metua ma toku ingoa, nana ïa e o mai kia kotou na.

Tika, tika tikai taku e karanga atu kia kotou, E aue kotou, e e mii oki, ko to te ao ra, e kata ïa: e mii kotou, kareka ra to kotou mii, ka akariroia ïa ei rekareka.