آیات محبوب کتاب مقدس از Philippianee 4

به اشتراک گذاشتن

Ny bee‐jee imneagh son nhee erbee: agh ayns dy chooilley nhee liorish padjer as accan lesh toyrt‐booise, lhig da ny aghinyn eu ve soilshit da Jee.

As nee shee Yee ta erskyn dy chooilley hushtey ny creeaghyn as ny aignaghyn eu y reayll trooid Creest Yeesey.

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

Foddym dy chooilley nhee y yannoo trooid Creest ta dy my niartaghey.

Gow‐jee boggey ayns y Chiarn dy kinjagh, as reesht ta mee gra, Gow‐jee boggey.

Agh nee my Yee ooilley nyn veme y yannoo magh, cordail rish e verchys ayns gloyr, liorish Creest Yeesey.

Ny reddyn shen ta shiu chammah er n’ynsaghey as er n’ghoaill roo, as er chlashtyn, as er vakin aynym’s, jean‐jee ad y chooilleeney: as bee Jee yn chee mêriu.

Lhig da’n ymmyrkey meen eu ve cronnal da dy chooilley ghooinney. Ta’n Chiarn er‐gerrey.

Shione dou chammah cre te dy ve ayns boghtynid, as shione dou cre te dy ve ayns palchey: ayns dy chooilley ynnyd, as ayns dy chooilley nee ta mee ynsit, chammah dy ve er my yannoo magh as dy ve accryssagh, chammah dy ve ayns palchey as dy ve ayns feme.

Cha nee dy vel mee loayrt myr dy beign ayns feme: son ta mee er n’ynsaghey cre‐erbee yn stayd ta mee ayn, lesh shen dy ve booiagh.