آیات محبوب کتاب مقدس از 1 Zhã 4

به اشتراک گذاشتن

Sónó gə ŋwɛ́nɛ́ mə̀gã̌ zhə̀n zhə̀nà, ywẽ tɛ̀nɛ́ gàà yé, bə̀ sónó w páá mɔ́ nʼô vùr ywẽ. Lò mɔ̀bɔ́ ń nə́ ń dùr ywẽ bə sónó w páá mɔ́ zhe yé, bə̀ wɔ́ còrhò-tum rə̀ nʼê zə ywẽ rə̀ twí.

À byâ, ámyɛ̌ wɔ́ Yi lyì. Á jú bɛlɛ lyì bí byɛ̀bɛ́ bə̀ nʼê myìnì bə̀ dwã bɛ́ bə̀ bə̀myɛ́ wɔ́ Yi nyì-zwennə mó yó, bə̀ Eshirhə y kɛ̀bɛ́ è ŋwɛ́nɛ́ á wẽ́ mó jàn dɛ́ du kɛ̀bɛ́ è ŋwɛ́nɛ́ bə̀myɛ́ wẽ́ mó.

Nə́myɛ̌ só dwã, bə̀ Yi jɛ̀nɛ̀ rə swéné nə́ba.

À dɔwabá nántwə̂rh, swénénə nə́ swéné dwã, bə̀ sónó w wɔ́ Yi sõ ò nʼô shí ní. Lò mɔ̀bɔ́ gakó ǹ só ǹ dõ, ǹ wɔ́ Yi byǐ, ń jà ǹ yě Yi párá.

Lò mɔ̀bɔ́ ǹ bə ǹ dõ só, ǹ yə̀l Yi pár yé, bə̀ Yi wɔ́ sónó.

Sə sónó w òmyɛ́ də̀ nə́myɛ̌ nə́ swéné Yi yé. Wɔ́ Yi rə̀ swéné nə́ba, rə ce rə̀ Byǐ mú bà, n pə ń cìn n yə̀ vwĩ̀ kɔn, mùnì Yi pə nə́ba nə́ dwə́ə́ré sǔbri ń vwĩ̀ rí jàn yilə.

À dɔwabá nántwə̂rh, Yi gə́ só nə́ba èta mɔ́ ce, nə́myɛ mə̂ sə nə́ swéné dwã.

Nyǐnə Yi gə́ byili nə́ba rə̀ sónó w né: rə̀ ce rə̀ byì-dùwə̀ y bə̀ lũ w wə, mùnì nə́ tó ńmyɛ̌ dɛnnɛ nə́ nə nyǔ.

Lò gə wò bə̀ ǹ só Yi, ń jà ǹ bə ǹ da-byǐ só, wɔ́ kɔma, bə̀ ǹ wàr ǹ bʼâ swéné Yi rí ǹ yírhə́ bə nɛ mɔ́, ń jà ǹ bə ǹ da-byǐ mú ǹ yírhə́ nə mɔ́ só yé.

Lò mɔ̀bɔ́ ǹ nə́ ǹ wə̀l bə̀ Yezu wɔ́ Yi Byǐ, Yi ŋwɛ́nɛ́ ǹdə́ mɔ́, sə ǹmyɛ ŋwɛ́nɛ́ ǹdə́ Yi.

Kristə cìcì pɔ nə́ba nyí n wɔ̀: “Lò mɔ̀bɔ́ ǹ só Yi, ǹ mə̂ sə́ swéné ǹ da-byǐ myɛ.”

À dɔwabá nántwə̂rh, lyì bí byɛ̀bɛ́ bə̀ nʼê myìnì bə̀ dwã bɛ́ bə̀ bə̀myɛ́ wɔ́ Yi nyì-zwennə mó sú lũ w wẽ́. Rə̀myɛ́ ce, á bə̀kʼá zwẽ lyì bí byɛ̀bɛ́ gakó bə̀ nʼê wə̀l bə̀ Yi Eshirhə y ŋwɛ́nɛ́ bə̀myɛ́ wẽ́ mó zɔ̀mà nɛ́ yé. Zhìlìnə̀ á yala nɛ́ á pyà bə̀ yé-shò náàcɛ̀nɛ́, á nyǐ ǹdə́ è gə wɔ́ Yi Eshirhə y è ŋwɛ́nɛ́ bə̀ wẽ́ zhə̀nà. Nyǐnə á gə́ bʼâ tó né á lwar lò mɔ̀bɔ́ Yi Eshirhə y ŋwɛ́nɛ́ ń wẽ́ mó párá: lò mɔ̀bɔ́ gakó ǹ nə́ ǹ wə̀l bə̀ Yezu Kristə jǐrh numbyíní n bə̀ lũ w wẽ́ zhə̀nà, Yi Eshirhə y ŋwɛ́nɛ́ ǹ wẽ́.

Sə lò mɔ̀bɔ́ gakó ǹ tá ǹ yâl ń zwẽ yò w òmyɛ́ Yezu Kristə shò-kwã nɛ́ mɔ́ nyí, Yi Eshirhə y tɛ̀nɛ́ ǹ wẽ́ yé. Wɔ́ Kristə zù-bal mɔ́ éshìrhə́ y è ŋwɛ́nɛ́ ǹ wẽ́. Á nyɛ̀ɛ̀ bə̀ nyǐ Kristə zù-bal mɔ́ mà n bà, sə èlâsɛ̃´, ń tú ń ŋwɛ́nɛ́ lũ w wẽ́.