آیات محبوب کتاب مقدس از 1 Zhã 3

به اشتراک گذاشتن

À byâ, nə́ bə mə̂ sə nə́ swéné dwã ǹdə́ nyì-gwàl ǹdə́ zɔ̀m-fwə̀r dúdú yé. Nə́ mə̂ sə nə́ swéné dwã ǹdə́ nə́ tùntwə̃̀ə̃̀ né. Wɔ́ nə́ tùntwə̃̀ə̃̀ né nə̀ mʼa byili bə̀ nə́ só dwã zhə̀nà.

Nə́ yě dõ sónó gə́ wɔ́ kɔn ná-dwí yilə, bə̀ Yezu Kristə pɔ ń myə̂l lé nə́ yilə. Nə́myɛ mə̂ sə nə́ pə nə́ myə̂l lé nə́ da-byâ bɛ́ yilə.

Nyǐnə Da mɔ́ só nə́ba dɛ̃´dɛ̃´, n zɛ̃̀ ń nə́ ń byẽ̀ nə́ba bə̀ ń byâ. Sə nə́ wɔ́ Yi byâ zhə̀nà. Lũ w lyì bí gə́ yə̀ Yi pár lwar mɔ́ ce, bə̀ yə̀l nə́myɛ pár yé.

Lò mɔ̀bɔ́ ń gwẽ̌ cə̀ə̀lè ń nə́ ń wɛ̀rhɛ́ yə̀-bəlwàálɛ, ń wɔ́ Shətana kwã-lò, bə̀ Shətana nʼê wɛ̀rhɛ́ yə̀-bəlwàálɛ kùr-ju yi ní ga, sə Yi Byǐ mú tú mùnì n zhìlì è tumə né.

Lò mɔ̀bɔ́ gakó ǹ wɔ́ Yi byǐ, ǹ kə́ ǹ tá ǹ wɛ̀rhɛ́ yə̀-bəlwàálɛ yé, bə̀ Yi co rə̀ jàn dɛ́ ǹ wẽ́. Ǹ kə́ ǹ wàr ǹ wɛ̀rhɛ́ yə̀-bəlwàálɛ yé, bə̀ ǹ jǐrh Yi byǐ.

Lò mɔ̀bɔ́ ǹ zhe, ń zɛ̃̀ ń nə ǹ da-byǐ ń nə́ ń nwɛ̀nɛ̀, ń jʼâ pyi ǹ yírhə́ ń yó, wɔ́ etər Yi sónó w bʼa tó né o yə̀ ǹ wẽ́?

Lò mɔ̀bɔ́ ǹ nə́ ǹ zwẽ Yi nyə́ né, ǹ ŋwɛ́nɛ́ ǹdə́ Yi, sə Yi myɛ ŋwɛ́nɛ́ ǹdə́ mɔ́. Zhə̀nà, wɔ́ Eshirhə y Yi pɔ nə́ba mɔ́ è ce nə́ yě bə̀ rə̀ ŋwɛ́nɛ́ ǹdə́ nə́ba.

Kɔn dɛ̀bɛ́ rə̀ nʼê pɔr Yi byâ bɛ́ ǹdə́ Shətana byâ bɛ́ dwã w mɔ́ wɔ́: lò mɔ̀bɔ́ ǹ tá ǹ twĩ̀ kɔn dɛ̀bɛ́ rə̀ wɔ́ cángá, ǹ bə ǹ dwã bɛ́ myɛ só, ǹmyɛ́ mɔ́ də̀ Yi byǐ yé.

Zɔ̀mɛ̀ rɛ́ tɛ̀bɛ́ á nyɛ̀ɛ̀ kùr-ju yi ní ga mɔ́ nʼê wə̀l bə̀ nə́ swéné dwã.

Da-byâ, lũ w kɔ̀bɔ́ lyì bí gə́ nʼê súl ába mó bə̀kʼa jàr ába yé.