آیات محبوب کتاب مقدس از Philip 4

به اشتراک گذاشتن

Đăm ênguôt hnĭng kơ sa mta klei ôh, ƀiădah hlăm djăp mta klei hŏng klei wah lač, klei kwưh, leh anăn klei bi mni, akâo bĕ kơ Aê Diê klei diih čiăng.

Leh anăn klei êđăp ênang Aê Diê êgao hĭn kơ jih jang klei thâo săng, srăng kiă kriê ai tiê leh anăn klei mĭn diih hlăm Krist Yêsu.

Ti knhal tuč hră anei, kâo mtă kơ diih, Ơ phung ayŏng adei, ya klei jing sĭt nik, ya klei jing năng mpŭ, ya klei jing kpă, ya klei jing êngeh, ya klei jing năng khăp, ya klei mâo hing ang jăk, tơdah mâo klei jăk hĭn, leh anăn tơdah mâo klei năng bi mni, brei diih dôk mĭn kơ klei anăn.

Kâo dưi ngă jih jang klei hlăm Krist, Pô bi ktang kâo.

Mơak bĕ nanao hlăm Khua Yang. Kâo lŏ mñă mơh, mơak bĕ.

Leh anăn Aê Diê kâo srăng brei kơ diih djăp mta mnơ̆ng diih kƀah tui si klei mdrŏng Ñu hlăm klei guh kơang hlăm Krist Yêsu.

Ya klei diih hriăm leh, mă tŭ leh, hmư̆ leh, leh anăn ƀuh leh hlăm kâo, brei diih ngă msĕ mơh, leh anăn Aê Diê klei êđăp ênang srăng dôk mbĭt hŏng diih.

Brei jih jang mnuih thâo klei diih êmhač. Khua Yang giăm truh leh.

Kâo thâo tŭ klei kƀah, leh anăn kâo thâo tŭ klei êbeh dlai. Hlăm jih jang klei truh, kâo hriăm leh tŭ klei trei leh anăn klei êpa, klei êbeh dlai leh anăn klei kƀah.

Amâo djŏ ôh kâo blŭ dŭñ dŭñ kyua klei kƀah; kyuadah kâo hriăm leh tŭ hŏng klei mơak măng ai ya klei truh kơ kâo.