آیات محبوب کتاب مقدس از Philip 2

به اشتراک گذاشتن

Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô. Brei grăp čô hlăm phung diih đăm mĭn kơ klei tŭ dưn knŏng kơ ñu pô ôh, ƀiădah mĭn wăt kơ klei tŭ dưn kơ phung mkăn msĕ mơh.

Brei diih mâo klei mĭn msĕ si Krist Yêsu mâo leh.

Wăt tơdah Ñu mâo klei jing Aê Diê, Ñu amâo yap yuôm ôh klei Ñu mđơr hŏng Aê Diê jing klei Ñu djă pioh, ƀiădah Ñu toh hĕ klei anăn, leh anăn tŭ klei jing sa čô dĭng buăl, brei arăng kkiêng kơ Ñu jing mnuih. Leh Ñu jing sa čô mnuih, Ñu bi luă gŭ Ñu pô, leh anăn gưt asăp tơl djiê, wăt klei djiê ti kyâo bi kal.

Kyuadah Aê Diê dôk mă bruă hlăm diih mjing hlăm diih wăt klei čiăng leh anăn klei dưi ngă klei bi mơak kơ Ñu.

Kyuanăn Aê Diê mpŭ kơ Ñu ti dlông snăk, leh anăn brei kơ Ñu anăn ti dlông hĭn kơ jih jang anăn, čiăng kơ ti anăp anăn Yêsu jih jang phung hlăm adiê, ti lăn ala, leh anăn ti gŭ lăn ala srăng čuôn kơŭt, leh anăn jih jang êlah srăng hưn kơ Yêsu Krist jing Khua Yang, čiăng bi guh kơang Aê Diê Ama.

Ngă bĕ jih jang bruă amâo blŭ dŭñ dŭñ amâodah kĭ kơ̆ ôh, čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala

Snăn Ơ phung ayŏng adei kâo khăp, msĕ si diih gưt leh nanao, amâo djŏ knŏng ti anăp kâo ôh, ƀiădah gưt lu hĭn ară anei êjai kâo êkŭt, mă bruă bĕ kyua klei bi mtlaih diih hŏng klei huĭ leh anăn klei ktư̆ yơ̆ng.