آیات محبوب کتاب مقدس از Y-Yôhan 19

به اشتراک گذاشتن

Tơdah Yêsu mnăm leh êa msăm, Ñu lač, “Jih jang bruă ênŭm leh!” Leh anăn Ñu kkui boh kŏ leh anăn tuč ai.

Leh klei anăn, kyuadah Yêsu thâo jih jang bruă ênŭm leh, čiăng bi sĭt Klei Aê Diê Blŭ čih leh, Ñu lač, “Kâo mhao.”

Tơdah Yêsu ƀuh amĭ Ñu leh anăn ƀĭng kna Ñu khăp dôk giăm, Yêsu lač kơ amĭ Ñu, “Ơ mniê, nĕ anei anak êkei ih” Leh anăn Ñu lač kơ ƀĭng kna anăn, “Nĕ anei amĭ ih” Leh anăn mơ̆ng mông anăn ƀĭng kna anăn atăt ba H'Mari kơ sang gơ̆ pô.

Ƀiădah tơdah diñu truh kơ Yêsu leh anăn ƀuh Gơ̆ djiê leh, diñu amâo bi joh ôh jơ̆ng Gơ̆. Ƀiădah sa čô hlăm phung kahan tlŏ ti djiêô Yêsu hŏng kju, leh anăn êrah hŏng êa kbiă mtam.

Kyuadah klei anăn truh čiăng bi sĭt Klei Aê Diê Blŭ čih leh, “Amâo mâo sa ƀĕ klang Ñu srăng joh ôh.” Leh anăn lŏ mâo Klei Aê Diê Blŭ čih mkăn, lač, “Diñu srăng dlăng kơ pô diñu tlŏ leh.”

Leh anăn Yêsu kbiă nao klam kyâo bi kal Gơ̆ pô, truh kơ Anôk Klang Kŏ, arăng pia hlăm klei Hêbrơ Gôlgôtha.

Phung kahan mñam sa boh đuôn mtao hŏng êruê, leh anăn bi mđua ti boh kŏ Yêsu, leh anăn diñu bi hơô Gơ̆ hŏng ao jhung hrah jŭ.