آیات محبوب کتاب مقدس از Mātiú 28

به اشتراک گذاشتن

Ko ia, ke mou ō, ‘o ngaohi ‘a e ngaahi kakai kotoa pē ko ‘eku kau ako, ‘i he papitaiso kinautolu ki he Huafa ‘o e Tamai mo e ‘Alo mo e Laumālie Mā‘oni‘oni: mo e ako‘i kinautolu ke tauhi ‘a e ngaahi me‘a kotoa pē kuo u tu‘utu‘uni atu. Pea ko ‘eni, ‘oku ou ‘iate kimoutolu ‘e au ‘i he ngaahi ‘aho kotoa pē, ‘o a‘u ki he ngata‘anga ‘o māmani.

Pea ‘i he ‘unu‘unu mai ‘a Sīsū, na‘a ne folofola kiate kinautolu ‘o pehē, Kuo tuku kiate au ‘a e pule kotoa pē ‘i langi pea ki māmani.

Pea lea ange ‘a e ‘āngelo, ‘o ne pehē ki he ongo fafine, ‘oua na‘a manavahē kimoua; he ‘oku ou ‘ilo ko ho‘omo kumi ‘a Sīsū na‘e kalusefai. ‘Oku ‘ikai te ne ‘i heni: he kuo ne toetu‘u, ‘o hangē ko ‘ene me‘a. Omi ‘o mamata ki he potu na‘a ne toka ai.

Pea folofola mai ‘a Sīsū kiate kinaua, ‘oua ‘e manavahē: mole pē ‘o fakahā ki si‘oku ngaahi tokoua ke nau, ‘alu ki Kāleli, pea ko e potu ko ia te nau mamata ai kiate au.

Pea kuo nau fakataha mo e kau mātu‘a, ‘o fai ‘enau fakakaukau, na‘a nau toki ‘ange ha fu‘u pa‘anga ki he kau sōtia, ‘o nau pehē, Ko ho‘omou lea ‘eni, Na‘e ha‘u po‘uli ‘ene kau ako, ‘o nau kaiha‘asi ia lolotonga ‘emau mohe. Pea kapau ‘e faka‘ilo ia ki he Kōvana, te mau fakahehema‘i ia, ka mou ‘ata‘atā. Pea nau to‘o ‘a e pa‘anga, ‘o nau fai ‘o hangē ko honau fale‘i: pea ko hono tala ko ia kuo lau holo ‘i he kakai Siu, ‘o a‘u ki he ‘aho ni.