آیات محبوب کتاب مقدس از Mātiú 27

به اشتراک گذاشتن

Pea fe‘unga nai mo hono hiva ‘o e houa na‘e kalanga le‘o lahi ‘a Sīsū, ‘o pehē, ‘Īlai, ‘Īlai, lama sapakatani? ‘A ia ‘oku tatau mo e pehē, ‘E hoku ‘Otua, ‘e hoku ‘Otua, na‘a ke li‘aki au kae hā?

Pea tā ko e tatau ‘o e Fale Tapu na‘e mahaeua mei ‘olunga ki lalo; pea na‘e ngalulululu ‘a e fonua, pea mafahifahi ‘a e ngaahi makatu‘u; pea matangaki ‘a e ngaahi fonualoto; pea na‘e fokotu‘u ‘a e ‘anga‘anga ‘o e kakai mā‘oni‘oni ni‘ihi na‘e mohe ai

Pea toe kalanga ‘a Sīsū ‘o le‘o lahi, ‘o ne tukuange hono laumālie.

Pea ko e senituliō, mo kinautolu na‘e kau mo ia ‘i he lama ‘o Sīsū, ‘i he‘enau vakai ki he mofuike, mo e ngaahi me‘a kehekehe na‘e hoko, na‘a nau ilifia ‘aupito; ‘o nau pehē, Tā na‘a ne mo‘oni pē; ko e ‘Alo ia ‘o e ‘Otua.

Pea na‘e hoko ha po‘uli ki he fonua kotoa mei hono ono ‘o e houa ‘o a‘u ki hono hiva ‘o e houa.

Pea pehē ‘e Pailato kiate kinautolu, pea ko e hā ai te u fai kia Sīsū ‘a ia ‘oku ui ko Kalaisi? Pea nau pehē kotoa pē, Ke kalusefai ia. Pea pehē ‘e ia, He ko e hā ha kovi kuo ne fai? Ka ka fakautuutu pē ‘enau kalanga, ‘o pehē, Ke kalusefai ia.