آیات محبوب کتاب مقدس از Salmo 37

به اشتراک گذاشتن

Sa PANGINOON mo hanapin ang kaligayahan, at ibibigay niya sa iyo ang ninanais mo.

Ipagkatiwala mo sa PANGINOON ang lahat ng iyong ginagawa; magtiwala ka sa kanya at tutulungan ka niya.

Pumanatag ka sa piling ng PANGINOON, at matiyagang maghintay sa gagawin niya. Huwag mong kaiinggitan ang masasama na gumiginhawa, kahit pa magtagumpay ang masasamang plano nila.

Magtiwala ka sa PANGINOON at gumawa ng mabuti. Sa gayon ay mananahan ka nang ligtas sa lupaing ito.

Ginagabayan ng PANGINOON ang bawat hakbang ng taong matuwid na ang buhay ay nakakalugod sa kanya. Matisod man siyaʼy hindi siya mabubuwal, dahil hinahawakan siya ng PANGINOON.

Ihahayag niya nang malinaw na ikaw ay matuwid at makatarungan, kasinliwanag ng sinag ng araw sa katanghaliang tapat.

Huwag kang magagalit, pigilan mo ang iyong poot. Ni huwag kang mababalisa, dahil ito sa iyo ay makakasama.

Akoʼy naging bata at ngayoʼy matanda na, ngunit hindi ko pa nakita kahit kailan na ang matuwid ay pinabayaan ng PANGINOON o ang kanyang mga anak ay namalimos ng pagkain.

Huwag kang mabahala dahil sa mga gumagawa ng masasama, o mainggit sa mga gumagawa ng mali.