Rhufeiniaid 12
12
Y Bywyd Newydd yng Nghrist: Ei ddyledswyddau yn y Frawdoliaeth.
1Am hynny#12:1 Y mae yr adran faith o ymresymiad cadarn a goruchel wedi ei gorphen, ac yn awr, fel diweddglo i'r rhan athrawiaethol, rhydd yr Apostol amryw gynghorion pwysig ac ymarferol. Rhanna Melancthon hwynt fel hyn: dyledswyddau moesol (12), gwleidyddol (13), eglwysyddol (14–16); ond nid yw y rhaniad hwn yn ddiysbyddol. Am hynny, fel canlyniad i'r holl ymdriniaeth flaenorol. yr wyf yn eich annog#12:1 Golyga y gair cynghori a chysuro. Cyfuna annog, cefnogi, calonogi, y ddau feddwl. chwi, frodyr, trwy dosturiaethau Duw#12:1 Symmudiadau tyner a bendithlawn calon tosturi Duw., gyflwyno#12:1 Term aberthol. Dwyn i fyny at yr allor (Lef 16:7; Luc 2:22). o honoch eich cyrph yn aberth byw, sanctaidd, llawn‐foddhâol, i Dduw#12:1 Y mae ‘i Dduw’ yn ddealledig gyda'r tri gair rhagflaenedig. Y mae yr aberth i fod yn fyw mewn cyferbyniaeth i'r aberthau Iuddewig a leddid. Y mae y corph yn ei holl egnion yn llosgi yng ngwasanaeth Duw, a'i holl aelodau yn offerynnau cyfiawnder.: hyn yw eich gwasanaeth rhesymmol#12:1 Neu, addoliad ysprydol. Dynoda logikos ‘yr hyn a berthyn i'r rheswm,’ i'r rhan feddyliol o'r dyn, fel yn wrthgyferbyniol i'r cnawdol, allanol, a materol, ac felly yn awgrymmu ‘yr ysprydol.’ Cymmerir y gair gwasanaeth o wasanaeth defodol y Deml (9:4).. 2Ac na chydymagweddwch#12:2 Gwreiddyn y ferf yw schema, dull, agwedd. Dynoda ffurf allanol, gyfnewidiol, ansylweddol, yn wrthgyferbyniol i morphê (gwreiddyn y ferf trawsffurfier), yr hwn a olyga ffurf gynhenid, dufewnol, hanfodol ac arhosol. Caed Crist mewn dull (schema) fel dyn, ond yr oedd yn dragywyddol yn ffurf (morphê) Duw. ‘Na chymmerwch arnoch ddull y byd hwn, yr hwn sydd yn myned heibio, ond trawsffurfier eich holl yspryd trwy adnewyddiad y meddwl.’ â'r byd#12:2 Llyth., yr oes hon, yn ei thuedd bechadurus. hwn, eithr trawsffurfier#12:2 Gwreiddyn y ferf yw schema, dull, agwedd. Dynoda ffurf allanol, gyfnewidiol, ansylweddol, yn wrthgyferbyniol i morphê (gwreiddyn y ferf trawsffurfier), yr hwn a olyga ffurf gynhenid, dufewnol, hanfodol ac arhosol. Caed Crist mewn dull (schema) fel dyn, ond yr oedd yn dragywyddol yn ffurf (morphê) Duw. ‘Na chymmerwch arnoch ddull y byd hwn, yr hwn sydd yn myned heibio, ond trawsffurfier eich holl yspryd trwy adnewyddiad y meddwl.’ chwi trwy adnewyddiad eich meddwl, fel y gosodoch i brawf#12:2 Dokimazô, profi, gwahaniaethu, deall trwy brawf, gwerthfawrogi, gwybod trwy brofiad. beth yw daioni, a llawn‐foddhâol a pherffaith ewyllys Duw. 3Canys dywedyd yr wyf, trwy y gras a roddwyd i mi, wrth bob un sydd yn eich plith, na byddo iddo feddwl am dano ei hun yn uwch nag y dylai feddwl, ond i feddwl yn sobr, fel y rhannodd Duw i bob un fesur ffydd#12:3 Mesur ffydd. Ffydd yw arwydd a mesur y bywyd Cristionogol, a defnyddir ‘ffydd’ yma am y doniau a'r grasusau a roddir i ddyn gyda ffydd, neu mewn canlyniad iddi. Ffydd yw yr egwyddor a benderfynna dueddiadau ac a rydd gyfeiriad i weithgarwch cynneddfau y credadyn. Y mae ffydd yn ‘agoriad llygad.’ Gwel dyn ei gylch, ei gynnysgaeth a'i derfynau, ac fe geidw ffydd ef yn ei le.. 4Canys megys y mae gennym mewn un corph aelodau lawer, ac nad oes gan yr holl aelodau yr un gwaith; 5felly nyni yn llawer, ydym un corph yng Nghrist, a phob un yn aelodau i'w gilydd. 6A chan fod gennym ddoniau gwahanol yn ol y gras a roddwyd i ni, pa un bynnag ai prophwydoliaeth, prophwydwn yn ol cyfartaledd#12:6 Analogia, gradd, cyfrifiad, cyfartalwch. Ni saif ffydd yma am ffydd wrthrychol, ‘y ffydd Gristionogol,’ cyfundrefn o athrawiaeth; ond y mae y rhai sydd i ‘brophwydo’ i ddeongli y dadguddiad Dwyfol yn ol nerth ac eglurder y ffydd sydd yn eu meddiant. ein ffydd; 7ai gweinidogaeth, byddwn ffyddlon yn y weinidogaeth; neu yr hwn sydd yn dysgu, yn y ddysgeidiaeth; 8neu yr hwn sydd yn cynghori, yn y cynghor; neu yr hwn sydd yn cyfrannu, gwnaed gyda haelionusrwydd#12:8 Haplotês, symlrwydd, gonestrwydd meddwl, cywirdeb; heb hunan‐gais, calon agored yn dangos ei hun trwy haelionusrwydd (2 Cor 8:2; 9:11, 13).; yr hwn sydd yn llywyddu, gydag eiddgarwch#12:8 Difrifoldeb, diwydrwydd, sêl eiddgar.; yr hwn sydd yn trugarhau, gyda sirioldeb#12:8 Hilarotês, parodrwydd meddwl, ewyllysgarwch, llonder.. 9Bydded cariad yn ddiragrith. Ffieiddiwch#12:9 ‘Trowch oddiwrtho gyda chasineb.’ y drwg; glynwch wrth y da. 10Mewn cariad brawdol, meithrinwch serch tyner#12:10 Philostorgos. Golyga storgos serch teuluol, megys eiddo plant a rhieni, gwr a gwraig, &c. Dylai yr un teimlad da nodweddu ‘teulu Duw.’ tuag at eich gilydd; mewn dangos parch, yn blaenori#12:10 Arweiniwch y ffordd i ddangos parch, i roddi anrhydedd, un i'r llall. Ysgol gras yw meithrinfa moesgarwch. ar eich gilydd; 11nid yn llesg mewn eiddgarwch; yn wresog mewn yspryd; yn gwasanaethu yr#12:11 Y cyfleustra D F G; yr Arglwydd א A B Brnd. Arglwydd; 12yn llawenhau mewn gobaith, yn dal i fyny dan orthrymder, yn dyfal‐barhau mewn gweddi; 13yn cyfrannu i angenrheidiau y saint, yn ymroddi#12:13 Llyth., yn erlyn, dylyn. i lettygarwch. 14Bendithiwch y rhai sydd yn eich erlid; bendithiwch, ac na felldithiwch. 15Llawenychwch gyda'r rhai sydd yn llawenychu; wylwch gyda'r rhai sydd yn wylo#12:15 Bydded fod gennych eich Bethania yn ogystal a'ch Cana.. 16Byddwch o'r un meddwl tuag at eich gilydd, heb roi eich meddwl ar bethau uchel, ond at dynner#12:16 Llyth., ‘yn cael eich harwain ynghyd,’ gan ymhyfrydu fel rhai isel‐frydig yng ngoruchwylion neu mewn pethau distadl. chwi at bethau sydd isel#12:16 Neu, ‘at‐dynner chwi at y rhai distadl,’ yr anghennus, a'r anwybodus. Ni ddefnyddir y gair tapeinos yn y ganolryw mewn un lle arall yn y T.N., ond saith o weithiau yn y rhyw wrrywaidd.. Na fyddwch ddoethion yn eich tyb eich hunain. 17Na thelwch i neb ddrwg am ddrwg. Meddyliwch ym mlaenllaw#12:17 Gan wneyd i ffwrdd â phob rhagfarn a drwgdybiaeth. am bethau anrhydeddus#12:17 Llyth., da. Da ynddynt eu hunain a phrydferth yn y cyflawniad o honynt. yng ngolwg pob dyn. 18Os yn bosibl, hyd y mae ynoch chwi#12:18 ‘O'ch ochr chwi.’, byddwch mewn heddwch â phob dyn. 19Nac ymddielwch, anwyliaid, eithr rhoddwch le i'r digofaint#12:19 Sef, digofaint Duw, nid dyn., canys y mae yn ysgrifenedig, I mi y mae y dial, myfi a ad dalaf, medd yr Arglwydd#Deut 32:35. 20Eithr os dy elyn a newyna, portha ef; os sycheda, dyro iddo i yfed; canys wrth wneuthur hyn ti a bentyrri farwor tanllyd#12:20 Sef, tân cariad a charedigrwydd yr hwn a gynneua gywilydd ac edifeirwch yn ei fynwes. Buddugoliaeth daioni geir yma. Y mae yr adnod o Diar 25:21, 22. Y mae yr Apostol yn Ddiarebwr hefyd yn y bennod hon. ar ei ben ef. 21Na orchfyger di gan ddrygioni, eithr gorchfyga di ddrygioni trwy#12:21 Llyth., mewn, fel maes y fuddugoliaeth. ddaioni.
Dewis Presennol:
Rhufeiniaid 12: CTE
Uwcholeuo
Copi
Cymharu
Rhanna
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Cyfieithiad Newydd o'r Testament Newydd gyda Nodiadau gan Dr William Edwards. Cyhoeddwyd mewn 4 cyfrol 1894-1915.