ROM KEPACHINI
KEPACHINI
Rom amondoli aphansi Pol labangso aloh tok-lo. Alangli Rom amondoli kedamjisi mathalo. Lasi labangso aloh pen ajok alangli kematha alam halatum aphan pachinilo. Pima alangli hadak Khristian atum angbong penang arni an kam klemdet aphi halatum akerapdun pen ajok Spein adet kedamjisi pathiklo. Labangso kepachini angbong alangli Khristian atum akekroi alam lapen alanglike Jisu Khristo aketoitang abanglo pu alamta than pachinilo.
Kekroi pen ajok Arnam angno dhoromi plangsi kejok kelong alam helo labangso aloh along ketok athepi alamlo (1.17). Kadokave amonit, atheke Jihudi tame, kalite Jihudi kalidet atum settame, kadokaveta pap klemlo apotsi kadokaveta Arnam angno ado do, bonta monit atum Jisu aphan kekroi pen ajok Arnam halatum aphan dhoromi pu lakhalo pu alam ladak than pachinilo. Labangso aphi Jisu Khristo pen kechelangpet pen ajok chethe kimi kelong alam thanlo. Jisu Khristo aphan kekroi atum anke Arnam pen aning kechingsam do lapen Arnam amethang a-Karjong pen ajok halatum aphan pap lapen kethi ajakong pen pajoklo, pusi ladak thanlo. Labangso aphi Arnam Aron kebi athe lapen Jisu aphan kekroi atum along Arnam a-Karjong ajakong kedo alam thanlo. Labangso pen aphi Arnam Jihudi lapen Jihudi kalidet atum aphan keklem alam thanlo. Jihudi atum Jisu Khristo aphan akekroikreke Arnam kemang atengsi planglo. Pima Jisu Khristo pen ajok Arnam akangjinso kepa-ongji aphansi lapuson planglo, lapen Jihudi atum Jisu aphan kroikrevervedetji pusi Pol ladak paklanglo. Labangso aphi Khristian atum kedo-kethak nangji, jasemetke anut kaprek aphan kanghon nangji alam thanlo. Khristian atum Arnam aphan, det aphan lapen lahin lahin aphan keklempi nangji lapen ning ingthin alamta ladak paklanglo. Aphisi alangli methang alam kechethan lapen Arnam aphan kero alam pensi labangso aloh ketok pajutlo. Labangso aloh ketok lake Khristo Aphi 57 aningkan malom, lapen ketok abangke Pol helo.
Athepi Alamthe Hei Hei
Kepachini lapen athepi alam 1.1-17
Monit atum kejok kelong nangji alam 1.18—3.20
Kejok kelongji aphan Arnam kepathik atovar 3.21—4.25
Khristo pen ajok chethe kimi kelong alam 5.1—8.39
Israel atum Arnam kemang akam angbong kedo alam 9.1—11.36
Khristian atum a-ot-adur alam 12.1—15.13
Kepajut lapen amethang akardom kepi alam 15.14—16.27
Currently Selected:
ROM KEPACHINI: KARBIBSI
Highlight
Copy
Compare
Share
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.