Jemɨzai 3
3
Nemɨre yagaalyanna nayaa maremwainaade'nanyɨ.
1Nɨmɨre nya'mweihi, sarɨmɨnyɨdaa'nyɨ a'mwe kwalaalyara “Nemɨ Gotɨyare yagaalya' wɨjɨwakadaanyaina yɨma'naana!” nyawɨpɨdɨka! Darevɨnyɨ. Dɨvi sagaa' Gotɨyai nemɨ wɨjɨwaakyainaavɨ maryawɨbwasa' yawɨ'na “Sahwara sɨdu'nakera midaakajɨ, dɨragɨnna maryawɨbwarɨdeinyɨ sahwaraavɨ. A'mwe pɨmɨlɨkaavɨ kɨbawana yɨdeinyɨ.” 2Sare' darevɨnyɨ. Nemɨ yuyaina dala pɨnɨnnanyangɨ yɨwetawakya kwalaalya yadaanyaine. A'mwe pwai kwai gamɨre yagaalya' yɨwetawakya myajai sai a'mwe tewaanya naanga yune nebulya'nanyalyɨ. Nabaai sasarei gamɨre kɨlaaka yuya kɨjɨ' yɨnɨga wi'na maremwaainannelyɨ. 3Nemɨ a'mweina kwaari'mayagɨnya maalɨkemɨlɨ' ozɨyare maangevɨ nemɨre saburɨ mɨdɨda kaanya yamarya'nebwina wakadaanyɨ. Sarevɨdaa'nyɨ gamɨre kɨlaakejɨ' naangejɨ' warɨka kɨrɨ' yuya kɨlaaka sajɨ' tutaanya pɨrɨvɨ kwawojɨ nemɨ gɨnyɨwadaanyɨ. 4Nabaai sɨpɨya kɨrɨvɨnajɨ jawɨrila! Sɨpɨya sa naangengɨra. Nabaai yɨhuta dɨragɨnya naange' yɨhu'maanarya wiadaa'nyɨ saalaalyavɨ a'ba ga'nɨgwodengɨ. Sɨpɨyavɨya' a'mwei gɨnyɨwagɨnyɨwange' yune maalɨkesɨ. Kɨrɨ' sɨpɨyavɨ maremwaaidei “Pimagɨnna wɨma!” dozɨ gɨnyɨwagɨnyɨwange' gɨnyɨwadaa'nyɨ sɨpɨya' sawɨnna wɨna yadesɨ. 5Sasare sahɨbaaibɨ' taalɨsa' kɨlaakejɨkɨna pimagɨnya maalɨkejɨkɨ. Kɨrɨ' sa' gamɨ savɨna yaya' munyaba makida naangenna naangenna dadesɨ. Yɨthaanyi, dɨka maalɨke' naanga bidamakɨlojɨ kurɨdarya naangevɨ yɨ'naadarya yuyavɨ dɨka yuya nasɨ'na yadesɨ. 6Nabaai taalɨsa' dɨka sahɨrɨsasɨ. Yuya kɨlaakejɨkɨne'na kusaba warɨke' Kwaakevakɨya kayaa'nanya dala pɨbwina pɨbwinanyabwi marima'naabadesɨ. Sara yada kɨlaaka yuyajɨkɨ gɨrɨkita yɨgalakadesɨ. Sarevɨ kɨlaakejɨkɨya saburɨ dɨka naanga yɨdade sabɨ' dɨhaa'bwa'devulyɨ. Sarevɨdaa'nyɨ nemɨre kaanya yamarya sabwi kayaa'nanyabwi yɨma'nadevulyɨ. Yɨ Saataanɨ Kayaa'nanyare dɨka daza' dɨka sahɨrɨvɨ yewɨtawakadesɨ. Dɨka naangebanne yɨmakera nemɨre taalɨsa' dɨhaa'bwa'dɨvɨsavɨna taalɨta sa' a'mwe Kwaaka yuyavakɨyaraavɨ taanginya dɨke'bɨ' marima'naabadesɨ. 7A'mwera malakayaawaryarajɨ yɨkurɨyaawiarajɨ yusarajɨ kamaalyarajɨ saalaalyavɨ wɨla'derajɨ yɨ yuya dala pɨnɨnnanyaraavɨ nayaa yɨnɨga wi'na maremwaaibɨnerera. Sahwaraavɨ dalaangewɨ wɨla'nadɨvɨsara. Nabaai kɨgaasɨ dahaa' mena sara yadɨvɨsare. 8Kɨrɨ' gamɨre taalɨsa' yɨnɨga wi'na maremwaaladei a'mwe pwai kwai mɨ'. Aane pwai kwai sara myadelyɨ. Yuyagaa' taalɨta sa' dɨkebɨ' yɨdamaryada yagaala kayaa'nanya yɨnɨgidaavadesɨ. Naawɨnaanyara kumɨre kwaamɨnya a'mweraavɨ tamakya'ne da'dɨvɨtabaaibɨ' taalɨsa a'mweraavɨre sɨmunyangɨ kayaaka yuna yɨgaidɨvɨsangɨ. 9Taalɨsasɨ Naangei Nenɨmaangerɨne yaya munyaba makɨlya'ne dadaa “Su! Su!” dadaanyaine. Nabaai taalɨta sasɨ Gotɨyai yune gamɨbɨsaraavɨ yavɨkaryaakeraavɨ nemɨ paasiyagaala sahwaraavɨ kayaaka yɨgalya'ne yagaala kayaa'nanya dadaanyaine. 10Yagaala Gotɨyarɨna yaya munyaba makɨlya'nejɨ paasiyagaala kɨnɨjɨ yagaala pɨrɨwaala sasare sa yune maanga gave pukɨdaa'nyɨ yɨma'nadengɨ. Nɨmɨre nya'mweihi, nemɨ sasare sabwi sara nyaadɨka! Nawɨ'nyabwi mɨ'. 11Aalɨyɨmɨnya pɨrɨ' pɨgaa' aangaalyasɨ yaka pɨgaa' aalya yɨrɨkesɨ ye'mwannayɨrɨ'daavade' daaka! 12Nɨmɨre nya'mweihi, yɨta pihɨya pɨrɨ' yɨsɨla wolivɨyavɨre yɨnɨga tinade' dɨngaka! Nabaai wɨla gɨraipɨyabaai yɨsɨla pihɨya yɨ'nadevaai dɨngaka! Yɨ saalaalɨyɨmɨnya' aangaalya nawɨ'nya' mirɨyɨ yannesɨ. Sarevɨdaa'nyɨ nemɨre maangikɨdaa'nyɨ Gotɨyarɨ yɨleyagaalyajɨ a'mweraavɨ paasiyagaalyajɨ sara nadaathɨka!
Sɨmunya tewaanya' Gotɨyaryabadaa'nyɨ yɨma'naabade'nesɨ.
13Sarɨmɨnyɨdaa'nyɨ a'mwe kwai sɨmunya nawɨ'nyajɨ yawɨta tewaanyajɨ kɨnɨnnakei dɨngaka? Sasare sai gamɨre kaanya yamarya sabwi tewaanya yɨma'nana! Sɨdusabwine kwaamu'na yajai tewaanyabwina yojɨyabwi a'mweraavɨ sɨmunya nawɨ'nyaburɨna yɨbwarɨdaakwana! 14Pwaraavɨreburana sarɨmɨ tɨganaarya dɨragɨnya' kɨnɨnnakeihi mwaaibɨza' nabaai sarɨmɨre yaya yuya sangɨna dɨhaa'bwasabwina yawɨ'dɨvɨ' sarɨmɨre sɨmunyangɨ “Pwaraavɨ wavɨlavɨma!” yawɨpɨja' sarɨmɨre yawɨta sabwina yɨlaaya mipɨnera! “Nɨmɨ sɨdu'nakeinyɨ,” kwaasɨ nadɨpɨdɨka! Sarɨmɨ pihadɨkebwi yɨpɨja' nebulyaburɨ kayaa'na yɨpɨja' pwara “Sɨdu'nakeinyɨ midaakajɨ, gamɨrebwina ‘Kwaasɨyalyɨ,’ neyɨbwarɨdaakuvanɨ',” nadɨbɨthɨka! 15Sɨmunya sasare sabwi Sɨgunyavɨdaa'nyɨ waidaavadevwi mɨ'. Gotɨyare' mɨ'. Aawa. Yune Kwaaka dathavakɨyabulyɨ. Sɨmunya yawakeburɨdaa'nyɨ yɨma'nadevulyɨ. Kurya Tewaanyarɨnebwi mɨ'. Sare sahɨrɨvɨne'na Saataanɨ Kayaa'nanyai gyakwalaangelyɨ. 16Sare' darevɨnyɨ. A'mwe pwara a'mwe pwaraavɨreburana tɨganaarya yadɨvɨ' kumɨre yaya makɨlya'nera dɨhaa'bwasabwina yawɨ'daapiya'na a'mwe sasare sara nayaa pada'galemwaaidɨvɨtara mɨ'. Gavamarasɨ'nyɨyagaala dɨdɨvɨsare. Nabaai sahwara kayaa'nanya yuya dala pɨbwinanyabwi yadɨvɨsare. 17Kɨrɨ' a'mwe pwara sɨmunya munyabadaa'nya' Gotɨyarɨ maa'dɨvɨsara darebwi yadɨvɨsare. Aaya mudɨ'nanya', sɨmunya yɨda'maraangebwi mɨdɨnna. Nabaai ayawɨdaasa', a'mwerajɨ avaaimunyɨ'na mwaalɨna, sara yadɨvɨ' kwaamu'na yɨna, pwaraavɨre yagaala dɨpɨja kadɨka nayaa wɨ'nyɨna. Kale'na gaimwanga naanga yɨna, tewaanyabwina yɨsɨla nawɨ'nyabɨsabwina yadɨvɨsare. Sahwara yuyaraavɨ sɨmunya avaainanyabwina yadɨvɨ' nabaai kwaasɨ myadɨvɨ' kwaasɨ majadɨvɨsabulyɨ. 18Nabaai sahwara avaaimunyɨ'na yɨpɨja' “Pwaraavɨ munya yɨrɨla dɨwangeburɨ wɨmwaaihɨma!” yawɨpɨjara tɨka munne wia burɨjabɨ' yɨpɨnere. Kwaamu'nanya ya sasare sabwi yɨda'maraanga saburɨ tɨka munne tewaanya yɨ'bwaramadakya yɨma'nadevulyɨ.
Currently Selected:
Jemɨzai 3: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Jemɨzai 3
3
Nemɨre yagaalyanna nayaa maremwainaade'nanyɨ.
1Nɨmɨre nya'mweihi, sarɨmɨnyɨdaa'nyɨ a'mwe kwalaalyara “Nemɨ Gotɨyare yagaalya' wɨjɨwakadaanyaina yɨma'naana!” nyawɨpɨdɨka! Darevɨnyɨ. Dɨvi sagaa' Gotɨyai nemɨ wɨjɨwaakyainaavɨ maryawɨbwasa' yawɨ'na “Sahwara sɨdu'nakera midaakajɨ, dɨragɨnna maryawɨbwarɨdeinyɨ sahwaraavɨ. A'mwe pɨmɨlɨkaavɨ kɨbawana yɨdeinyɨ.” 2Sare' darevɨnyɨ. Nemɨ yuyaina dala pɨnɨnnanyangɨ yɨwetawakya kwalaalya yadaanyaine. A'mwe pwai kwai gamɨre yagaalya' yɨwetawakya myajai sai a'mwe tewaanya naanga yune nebulya'nanyalyɨ. Nabaai sasarei gamɨre kɨlaaka yuya kɨjɨ' yɨnɨga wi'na maremwaainannelyɨ. 3Nemɨ a'mweina kwaari'mayagɨnya maalɨkemɨlɨ' ozɨyare maangevɨ nemɨre saburɨ mɨdɨda kaanya yamarya'nebwina wakadaanyɨ. Sarevɨdaa'nyɨ gamɨre kɨlaakejɨ' naangejɨ' warɨka kɨrɨ' yuya kɨlaaka sajɨ' tutaanya pɨrɨvɨ kwawojɨ nemɨ gɨnyɨwadaanyɨ. 4Nabaai sɨpɨya kɨrɨvɨnajɨ jawɨrila! Sɨpɨya sa naangengɨra. Nabaai yɨhuta dɨragɨnya naange' yɨhu'maanarya wiadaa'nyɨ saalaalyavɨ a'ba ga'nɨgwodengɨ. Sɨpɨyavɨya' a'mwei gɨnyɨwagɨnyɨwange' yune maalɨkesɨ. Kɨrɨ' sɨpɨyavɨ maremwaaidei “Pimagɨnna wɨma!” dozɨ gɨnyɨwagɨnyɨwange' gɨnyɨwadaa'nyɨ sɨpɨya' sawɨnna wɨna yadesɨ. 5Sasare sahɨbaaibɨ' taalɨsa' kɨlaakejɨkɨna pimagɨnya maalɨkejɨkɨ. Kɨrɨ' sa' gamɨ savɨna yaya' munyaba makida naangenna naangenna dadesɨ. Yɨthaanyi, dɨka maalɨke' naanga bidamakɨlojɨ kurɨdarya naangevɨ yɨ'naadarya yuyavɨ dɨka yuya nasɨ'na yadesɨ. 6Nabaai taalɨsa' dɨka sahɨrɨsasɨ. Yuya kɨlaakejɨkɨne'na kusaba warɨke' Kwaakevakɨya kayaa'nanya dala pɨbwina pɨbwinanyabwi marima'naabadesɨ. Sara yada kɨlaaka yuyajɨkɨ gɨrɨkita yɨgalakadesɨ. Sarevɨ kɨlaakejɨkɨya saburɨ dɨka naanga yɨdade sabɨ' dɨhaa'bwa'devulyɨ. Sarevɨdaa'nyɨ nemɨre kaanya yamarya sabwi kayaa'nanyabwi yɨma'nadevulyɨ. Yɨ Saataanɨ Kayaa'nanyare dɨka daza' dɨka sahɨrɨvɨ yewɨtawakadesɨ. Dɨka naangebanne yɨmakera nemɨre taalɨsa' dɨhaa'bwa'dɨvɨsavɨna taalɨta sa' a'mwe Kwaaka yuyavakɨyaraavɨ taanginya dɨke'bɨ' marima'naabadesɨ. 7A'mwera malakayaawaryarajɨ yɨkurɨyaawiarajɨ yusarajɨ kamaalyarajɨ saalaalyavɨ wɨla'derajɨ yɨ yuya dala pɨnɨnnanyaraavɨ nayaa yɨnɨga wi'na maremwaaibɨnerera. Sahwaraavɨ dalaangewɨ wɨla'nadɨvɨsara. Nabaai kɨgaasɨ dahaa' mena sara yadɨvɨsare. 8Kɨrɨ' gamɨre taalɨsa' yɨnɨga wi'na maremwaaladei a'mwe pwai kwai mɨ'. Aane pwai kwai sara myadelyɨ. Yuyagaa' taalɨta sa' dɨkebɨ' yɨdamaryada yagaala kayaa'nanya yɨnɨgidaavadesɨ. Naawɨnaanyara kumɨre kwaamɨnya a'mweraavɨ tamakya'ne da'dɨvɨtabaaibɨ' taalɨsa a'mweraavɨre sɨmunyangɨ kayaaka yuna yɨgaidɨvɨsangɨ. 9Taalɨsasɨ Naangei Nenɨmaangerɨne yaya munyaba makɨlya'ne dadaa “Su! Su!” dadaanyaine. Nabaai taalɨta sasɨ Gotɨyai yune gamɨbɨsaraavɨ yavɨkaryaakeraavɨ nemɨ paasiyagaala sahwaraavɨ kayaaka yɨgalya'ne yagaala kayaa'nanya dadaanyaine. 10Yagaala Gotɨyarɨna yaya munyaba makɨlya'nejɨ paasiyagaala kɨnɨjɨ yagaala pɨrɨwaala sasare sa yune maanga gave pukɨdaa'nyɨ yɨma'nadengɨ. Nɨmɨre nya'mweihi, nemɨ sasare sabwi sara nyaadɨka! Nawɨ'nyabwi mɨ'. 11Aalɨyɨmɨnya pɨrɨ' pɨgaa' aangaalyasɨ yaka pɨgaa' aalya yɨrɨkesɨ ye'mwannayɨrɨ'daavade' daaka! 12Nɨmɨre nya'mweihi, yɨta pihɨya pɨrɨ' yɨsɨla wolivɨyavɨre yɨnɨga tinade' dɨngaka! Nabaai wɨla gɨraipɨyabaai yɨsɨla pihɨya yɨ'nadevaai dɨngaka! Yɨ saalaalɨyɨmɨnya' aangaalya nawɨ'nya' mirɨyɨ yannesɨ. Sarevɨdaa'nyɨ nemɨre maangikɨdaa'nyɨ Gotɨyarɨ yɨleyagaalyajɨ a'mweraavɨ paasiyagaalyajɨ sara nadaathɨka!
Sɨmunya tewaanya' Gotɨyaryabadaa'nyɨ yɨma'naabade'nesɨ.
13Sarɨmɨnyɨdaa'nyɨ a'mwe kwai sɨmunya nawɨ'nyajɨ yawɨta tewaanyajɨ kɨnɨnnakei dɨngaka? Sasare sai gamɨre kaanya yamarya sabwi tewaanya yɨma'nana! Sɨdusabwine kwaamu'na yajai tewaanyabwina yojɨyabwi a'mweraavɨ sɨmunya nawɨ'nyaburɨna yɨbwarɨdaakwana! 14Pwaraavɨreburana sarɨmɨ tɨganaarya dɨragɨnya' kɨnɨnnakeihi mwaaibɨza' nabaai sarɨmɨre yaya yuya sangɨna dɨhaa'bwasabwina yawɨ'dɨvɨ' sarɨmɨre sɨmunyangɨ “Pwaraavɨ wavɨlavɨma!” yawɨpɨja' sarɨmɨre yawɨta sabwina yɨlaaya mipɨnera! “Nɨmɨ sɨdu'nakeinyɨ,” kwaasɨ nadɨpɨdɨka! Sarɨmɨ pihadɨkebwi yɨpɨja' nebulyaburɨ kayaa'na yɨpɨja' pwara “Sɨdu'nakeinyɨ midaakajɨ, gamɨrebwina ‘Kwaasɨyalyɨ,’ neyɨbwarɨdaakuvanɨ',” nadɨbɨthɨka! 15Sɨmunya sasare sabwi Sɨgunyavɨdaa'nyɨ waidaavadevwi mɨ'. Gotɨyare' mɨ'. Aawa. Yune Kwaaka dathavakɨyabulyɨ. Sɨmunya yawakeburɨdaa'nyɨ yɨma'nadevulyɨ. Kurya Tewaanyarɨnebwi mɨ'. Sare sahɨrɨvɨne'na Saataanɨ Kayaa'nanyai gyakwalaangelyɨ. 16Sare' darevɨnyɨ. A'mwe pwara a'mwe pwaraavɨreburana tɨganaarya yadɨvɨ' kumɨre yaya makɨlya'nera dɨhaa'bwasabwina yawɨ'daapiya'na a'mwe sasare sara nayaa pada'galemwaaidɨvɨtara mɨ'. Gavamarasɨ'nyɨyagaala dɨdɨvɨsare. Nabaai sahwara kayaa'nanya yuya dala pɨbwinanyabwi yadɨvɨsare. 17Kɨrɨ' a'mwe pwara sɨmunya munyabadaa'nya' Gotɨyarɨ maa'dɨvɨsara darebwi yadɨvɨsare. Aaya mudɨ'nanya', sɨmunya yɨda'maraangebwi mɨdɨnna. Nabaai ayawɨdaasa', a'mwerajɨ avaaimunyɨ'na mwaalɨna, sara yadɨvɨ' kwaamu'na yɨna, pwaraavɨre yagaala dɨpɨja kadɨka nayaa wɨ'nyɨna. Kale'na gaimwanga naanga yɨna, tewaanyabwina yɨsɨla nawɨ'nyabɨsabwina yadɨvɨsare. Sahwara yuyaraavɨ sɨmunya avaainanyabwina yadɨvɨ' nabaai kwaasɨ myadɨvɨ' kwaasɨ majadɨvɨsabulyɨ. 18Nabaai sahwara avaaimunyɨ'na yɨpɨja' “Pwaraavɨ munya yɨrɨla dɨwangeburɨ wɨmwaaihɨma!” yawɨpɨjara tɨka munne wia burɨjabɨ' yɨpɨnere. Kwaamu'nanya ya sasare sabwi yɨda'maraanga saburɨ tɨka munne tewaanya yɨ'bwaramadakya yɨma'nadevulyɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.