Jemɨzai 2
2
A'mwe yuyaraavɨna kale avaaina neyadevwinesɨ.
1Nɨmɨre nya'mweihi, nemɨre Naangei Jizaazai Kɨraazɨtɨyai byaanna dɨragɨnya' kɨnɨnnakerɨ dɨragɨnna lɨmwadɨvɨsavɨ sarɨmɨ a'mwe yaya kɨnɨnnakeraavɨna nayaa yɨna, a'mwe gɨlyɨvɨ'maayaraavɨna bule'na wɨjaavɨna nyɨpɨdɨka! 2Sare' darevɨnyɨ. Sarɨmɨre yɨ'bwa'nemwaalɨangevɨ a'mwei baazɨ'ma'nya nawɨ'nya' kɨnɨnnakei nabaai nɨgwɨlalaaka nawɨ'nya kɨnɨnnakei wɨlaabɨna yajai, nabaai a'mwe gɨlyɨvɨ'maayai baazɨ'ma'nya yune kayaa'nanya' kɨnɨnnakei sai kwalyɨ wɨlaabɨna yajai, 3sarɨmɨ a'mwe baazɨ'ma'nyajɨ kannyasɨ nawɨ'nya yɨra'nojɨya sarɨna nawɨ'nya yɨna yapɨjɨ sahwarɨ duzide “A'mweigɨ, namwaalyɨta nawɨ'nya darɨ bilamwaala!” Kɨrɨ' a'mwe gɨlyɨvɨ'maayarɨ dara duzide “Gɨmɨnyɨneba pɨba mɨ'. Gɨmɨ aagaiba dɨthaa'deigɨ dɨngaka? Mɨnyevɨ nɨmɨre sɨvigɨ'nyɨryaba saba dɨmwalaadeigɨ dɨngaka?” 4Yɨ sarɨmɨ sasare sabwi yɨpɨja' sarɨnnya sɨrya'mweraavɨna dɨnyɨna “Kumɨre nɨgwɨlalaaka danganyɨla! Pwara naangerera. Pwara waryaanyarera.” Sara yɨpɨja' sahwaraavɨ jaapaina jideihi midaaka! Sarɨmɨre sɨmunyaburɨdaa'nyɨ kayaa'na myawɨbwapɨna! Sara yɨpɨja' avaaina yadɨvɨtaihi mɨ'.
5Nɨmɨre nya'mweihɨrɨna tewaanya nyɨvu'nadeihi, nayaa dara du'nyɨla! Gotɨyai mena dathareraavɨ dahɨlakakera midaaka! Yɨ a'mwe Kwaakevakɨyabulyɨyara “Gɨlyɨvɨ'maayarera,” dɨdɨvɨsara yɨ sahwaraavɨna Gotɨyai dɨna “Nɨmɨrerera.” Sahwara Kɨraazɨtɨyarɨ lɨmwaga'dɨvɨsavɨna Gotɨyarɨne kwalaalya naanga kɨnɨnnakere. Sɨnnawɨ Gotɨyai gamɨre maremwaaide' wɨjaavade' gamɨre kaimɨraayaraavɨna yune naanga nebulya'na dakelyɨ. Yɨ sahwara gamɨnyɨna wɨvu'naderaavɨna sara dahɨlakakelyɨ. 6Kɨrɨ' sarɨmɨ a'mwe gɨlyɨvɨ'maaya dazaraavɨ wagɨla wɨjawaasarera. A'mwe gɨlyɨvɨkɨravɨnakera sarɨmɨnyɨ yɨhɨmarulawakadɨvɨ' taanginya yɨhwakɨvanɨgatara midaaka! Yune sahwarana sarɨmɨnyɨ kotɨyavɨna yɨhɨmakwodɨvɨtara midaaka! 7Kɨraazɨtɨyarɨne yaya' sarɨmɨnyɨ Gotɨyai yaya tewaanya' yɨhwakakelyɨ. A'mwe dazazara yaya tewaanya dazavɨna bɨraiyagaala dadɨvɨtara midaaka! Sare' yawɨrapɨjɨ gɨlyɨvɨ'nakeraavɨne yaya yaasɨwa'na mamakibɨna!
8Nemɨre Kingɨyai Bukuyavɨ kɨwɨnya pɨrɨ' dakelyɨ. Dara dɨnɨ' “Yune gɨmɨ saigɨnyɨna gɨvu'nadevaaibɨ' sasare sahɨbaaibɨ' gɨmɨnyɨ a'mwe pwaraavɨna nayaa nebwina gɨvu'nana!” Sarevɨdaa'nyɨ kɨwɨnya dɨnɨka dazavɨ nayaa nebwina mɨdɨbɨza' yɨ sarɨmɨ nawɨ'nyabwi yɨvanɨga'. 9Kɨrɨ' sarɨmɨ a'mwe yaya kɨnɨnnakeraavɨna nayaa yɨpɨja' a'mwe gɨlyɨvɨ'maayaraavɨna bule'na wɨjaavɨpɨja' sabwi kayaa'nanyabwi yadɨvɨsaihɨlyɨ. Sarevɨ kɨwɨnya daza' sarɨmɨre sɨmunyavɨ maanga dara yɨhɨzɨdavadeihɨlyɨ “Sarɨmɨ a'mwe kɨwɨnya' galazekɨvaimwaasaihɨlyɨra.” 10Sare' darevɨnyɨ. A'mwei kɨwɨnya yuya pɨnɨngɨjɨ mɨdɨnajai kɨrɨ' kɨwɨnya dɨnɨka pɨrɨvɨna pari'ma'mwakei sai Gotɨyare tɨnnyarɨ yuya kɨwɨnya dɨnɨkengɨna yɨwetawakya yɨwakelyɨ. 11Sare' darevɨnyɨ. Gotɨyai dara dɨnɨ' “Pwarevɨ ata malɨmwadɨnna! Pɨrɨvɨrerɨ ata malɨmwadɨnnera!” Sara dɨnɨka sai nabaai pɨrɨsɨ dara dɨnɨ' “A'mwerɨ maramakɨnna! A'mwevɨ maramakɨnna!” Sare' gɨmɨ a'mwevɨ ata malɨmwagi yɨja' kɨrɨ' a'mwe pwarɨ tamakɨja' yɨ gɨmɨ kɨwɨnya dɨnɨke' mena pari'ma'mwaanyaigɨnyɨ. 12Kɨwɨnya kayaa'nanyabure yaasɨwa'wawɨnya' ayɨna nemaa'de' yɨ dazavɨna Gotɨyai marayɨhyawɨbwaradevaaibɨ' yuyagaa' sarɨmɨ yagaala pɨnɨjɨ yɨnɨga wi'na dɨzɨla! Yɨ yuyaburaavɨ nayaa yɨnɨga wi'na jɨ'mwannyɨla! 13Sare' darevɨnyɨ. A'mwe pwai a'mwe pwarɨna kale'na gaimwanga mwiade sarɨ nabaai Gotɨyai kotɨya' wiawɨbwaradehaa' sarɨna kale'na gaimwanga wiadei mɨ'. Kɨrɨ' a'mwei a'mwe pwarɨna kale'na gaimwanga wiade kale'na gaimwanga sa' kotɨya savɨ yɨnɨga wi'na wavɨlavadesɨ. Gotɨyai sahwarɨ jɨdavadei mɨ'.
Dɨragɨnna lɨmwangebulyɨ Kɨraazɨtɨyarɨna yadaanyabulyɨ sawaarɨnesɨ.
14Nɨmɨre nya'mweihi, a'mwe pwai kwai dara dazai “Kɨraazɨtɨyarɨ dɨragɨnna lɨmwadɨnyainyɨ,” kɨrɨ' sai wana nawɨ'nyabwi myade a'mwe dazare dɨragɨnna lɨmwangebwi yaasɨwa'nanya' midaaka! Dɨragɨnna lɨmwanga sasare sabwi sahwarɨ yɨnɨga mi'na padaihasamaarannei dɨngaka! Aawa. 15Yɨ yaamɨjɨ yɨhɨthɨma! Neya'mwe pwai neya'mwe kɨrɨ' kannya waryaanya' kɨnɨnnake' mwaalaja' nabaai wapaaya tɨka nya'ne mwari yaja' 16sarɨmɨnyɨdaa'nyɨ pwai samɨlɨkɨ wɨdɨna “Kwaamu'nanyaburɨ yɨlaaya dɨmwaala! Gɨmɨ wawa'gɨzɨ baazɨ'ma'nya' gɨmɨre kɨlaakejɨkɨ dɨ'mudɨnya yɨnya'ne' dɨmarakaawa! Nabaai wapaayajɨ maraawa'gɨzɨ gɨmɨre munyɨkɨ munya' yunebanna ginana!” Sara dɨpɨjaihi kɨrɨ' baazɨ'ma'nya pɨnɨjɨ wapaaya pɨnɨjɨ gaimwanga ya'ne mujaayɨ yɨpɨja' yagaala daza' gaimwange' gatha'dara yannevaka! 17Sarevɨdaa'nyɨ dɨragɨnna lɨmwanga kɨbwi nawɨ'nyaburɨ mima'naabi yajavwi kɨrɨ' gave' waraja' yɨ sa' bainɨkesɨ. Yɨ dazabwi gevulyɨra.
18Sare kɨrɨ' a'mwe pwai dɨna “Kɨraazɨtɨyare pwara dɨragɨnna lɨmwadɨvɨsare. Pwara wawɨnya tewaanyabwina yadɨvɨsare.” Sare'na nɨmɨ dara wɨrɨvɨkɨ'mwa. Gɨmɨ gɨmɨre dɨragɨnna lɨmwanga dazabwi dɨnyɨbwarɨdaakwia! Yɨ sabwi nawɨ'nya pɨburaavɨ yɨma'naabya'nebwi gavebwina dɨnyɨbwarɨdaakude' daaka! Kɨrɨ' nɨmɨ tewaanya sabwi yadɨnyangɨna nɨmɨre dɨragɨnna lɨmwangebwi givwarɨdaakudeinyɨ. 19Gɨmɨ dɨragɨnna dara lɨmwadɨnyaigɨnyɨ “Gotɨyai yune gave pwainanyai mwaalɨka.” Sa' tewaanya' midaaka! Kɨrɨ' Saataanɨmɨrera yɨmakera kwarajɨ dɨragɨnna avaaina yawɨ'dɨvɨsare. Sahwara Gotɨyarɨ mamɨdɨnyadɨvɨsa'na lɨka yɨwaainadɨvɨsare. Sahwaraavɨ wavɨla'mwaaigɨ daaka! 20A'mwe sɨdu'maayaigɨ, gɨmɨ nawɨ'nya pɨburajɨ myadɨ yune dɨragɨnna lɨmwange'na lɨmwadɨnya' sabwi kuzɨ'nyabulyɨ. Yaasɨwakesɨ. “Sare dazavɨre kaavɨlya' yawɨranganɨma!” dahɨneigɨ daaka! 21Nayaa du'nana! Kɨgaakuna nemɨre Ne sɨnnawɨnyai Evɨraamɨ gannya gawaalɨvaangei Aazakɨmɨ kwaraanya lɨvalaannɨkevɨ yɨlamarakakelyɨ. “Gotɨyarɨne dɨka nasɨ'nana!” daka dɨka yɨra'dɨvɨtabaaibɨ' Gotɨyarɨ yaamɨjɨ wɨmaarya'nei mwaala'. Yɨ dazahaa' sara yake'na Gotɨyai gamɨre dazabwi wanganaka “A'mwe yɨda'maraangelyɨ,” dakei midaaka! 22Gɨmɨ yawɨrangamanɨgɨ. Gamɨre dɨragɨnna lɨmwangebwi gamɨre tewaanya yaka sabulyɨ ye'mwannayakelyɨ. Sasare dazabwi gamɨre dɨragɨnna lɨmwangeburɨ naanga yune nebulya'nanyaburɨ yunebanna yakebulyɨ. 23Nabaai sare' Gotɨyare bukuyavɨ dɨnɨke' yunebanna yɨma'nake'nanyɨ. Dara dɨnɨ' “Evɨraamɨ Gotɨyarɨ dɨragɨnna lɨmwagaka sarevɨ Gotɨyai dɨragɨnna yawɨrawɨmwaaiha' ‘Sahwai yɨda'maraangelyɨ.’ ” Sare'na nabaai pimagɨnyavɨ dara dɨnɨ' “Evɨraamɨ Gotɨyare gya'mwelyɨra.” Evɨraamɨmɨna sara dɨnɨkesɨ. 24Nabaai sare' dahaa' sarɨmɨ yawɨrangamanɨga'. Yune dɨragɨnna lɨmwangeburɨna gaveburɨna Gotɨyai “A'mwe yɨda'maraangelyɨra,” dadei mɨ'. Aawa. Sai yawɨ'da “A'mwei dɨragɨnna lɨmwade sasare dazavɨ nawɨ'nyabwina yaderɨna yɨ dazahwarɨna ‘A'mwe yɨda'maraangelyɨ,’ ” dadelyɨ. 25Sahɨbaaibɨ' nabaai a'mwe yaasɨwa'na maradakunamaryake' Rayaa' nawɨ'nyabwina yakevɨna Gotɨyai “A'mwe yɨda'maraangesɨra,” dakei midaaka! Sare' daresɨ. Yɨ a'mwe sa' Jozuwaa' a'mweraarɨ maryasaabakeraarɨna “Nuramakɨpɨdɨka!” daka tuta pɨrɨvɨ nayaa ayɨna maryaasakeraalyɨ. 26Yuya sare' darevɨnyɨ. Kɨlaakejɨ' kuryalyɨ maayajɨ' sajɨ' mena bainɨkabaaibɨ' a'mwei yaasɨwa'na dɨragɨnna lɨmwagazai kɨrɨ' nawɨ'nya kɨbulyɨ myadei, a'mwe dazare dɨragɨnna lɨmwangebwi mena bainɨkebulyɨ.
Currently Selected:
Jemɨzai 2: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Jemɨzai 2
2
A'mwe yuyaraavɨna kale avaaina neyadevwinesɨ.
1Nɨmɨre nya'mweihi, nemɨre Naangei Jizaazai Kɨraazɨtɨyai byaanna dɨragɨnya' kɨnɨnnakerɨ dɨragɨnna lɨmwadɨvɨsavɨ sarɨmɨ a'mwe yaya kɨnɨnnakeraavɨna nayaa yɨna, a'mwe gɨlyɨvɨ'maayaraavɨna bule'na wɨjaavɨna nyɨpɨdɨka! 2Sare' darevɨnyɨ. Sarɨmɨre yɨ'bwa'nemwaalɨangevɨ a'mwei baazɨ'ma'nya nawɨ'nya' kɨnɨnnakei nabaai nɨgwɨlalaaka nawɨ'nya kɨnɨnnakei wɨlaabɨna yajai, nabaai a'mwe gɨlyɨvɨ'maayai baazɨ'ma'nya yune kayaa'nanya' kɨnɨnnakei sai kwalyɨ wɨlaabɨna yajai, 3sarɨmɨ a'mwe baazɨ'ma'nyajɨ kannyasɨ nawɨ'nya yɨra'nojɨya sarɨna nawɨ'nya yɨna yapɨjɨ sahwarɨ duzide “A'mweigɨ, namwaalyɨta nawɨ'nya darɨ bilamwaala!” Kɨrɨ' a'mwe gɨlyɨvɨ'maayarɨ dara duzide “Gɨmɨnyɨneba pɨba mɨ'. Gɨmɨ aagaiba dɨthaa'deigɨ dɨngaka? Mɨnyevɨ nɨmɨre sɨvigɨ'nyɨryaba saba dɨmwalaadeigɨ dɨngaka?” 4Yɨ sarɨmɨ sasare sabwi yɨpɨja' sarɨnnya sɨrya'mweraavɨna dɨnyɨna “Kumɨre nɨgwɨlalaaka danganyɨla! Pwara naangerera. Pwara waryaanyarera.” Sara yɨpɨja' sahwaraavɨ jaapaina jideihi midaaka! Sarɨmɨre sɨmunyaburɨdaa'nyɨ kayaa'na myawɨbwapɨna! Sara yɨpɨja' avaaina yadɨvɨtaihi mɨ'.
5Nɨmɨre nya'mweihɨrɨna tewaanya nyɨvu'nadeihi, nayaa dara du'nyɨla! Gotɨyai mena dathareraavɨ dahɨlakakera midaaka! Yɨ a'mwe Kwaakevakɨyabulyɨyara “Gɨlyɨvɨ'maayarera,” dɨdɨvɨsara yɨ sahwaraavɨna Gotɨyai dɨna “Nɨmɨrerera.” Sahwara Kɨraazɨtɨyarɨ lɨmwaga'dɨvɨsavɨna Gotɨyarɨne kwalaalya naanga kɨnɨnnakere. Sɨnnawɨ Gotɨyai gamɨre maremwaaide' wɨjaavade' gamɨre kaimɨraayaraavɨna yune naanga nebulya'na dakelyɨ. Yɨ sahwara gamɨnyɨna wɨvu'naderaavɨna sara dahɨlakakelyɨ. 6Kɨrɨ' sarɨmɨ a'mwe gɨlyɨvɨ'maaya dazaraavɨ wagɨla wɨjawaasarera. A'mwe gɨlyɨvɨkɨravɨnakera sarɨmɨnyɨ yɨhɨmarulawakadɨvɨ' taanginya yɨhwakɨvanɨgatara midaaka! Yune sahwarana sarɨmɨnyɨ kotɨyavɨna yɨhɨmakwodɨvɨtara midaaka! 7Kɨraazɨtɨyarɨne yaya' sarɨmɨnyɨ Gotɨyai yaya tewaanya' yɨhwakakelyɨ. A'mwe dazazara yaya tewaanya dazavɨna bɨraiyagaala dadɨvɨtara midaaka! Sare' yawɨrapɨjɨ gɨlyɨvɨ'nakeraavɨne yaya yaasɨwa'na mamakibɨna!
8Nemɨre Kingɨyai Bukuyavɨ kɨwɨnya pɨrɨ' dakelyɨ. Dara dɨnɨ' “Yune gɨmɨ saigɨnyɨna gɨvu'nadevaaibɨ' sasare sahɨbaaibɨ' gɨmɨnyɨ a'mwe pwaraavɨna nayaa nebwina gɨvu'nana!” Sarevɨdaa'nyɨ kɨwɨnya dɨnɨka dazavɨ nayaa nebwina mɨdɨbɨza' yɨ sarɨmɨ nawɨ'nyabwi yɨvanɨga'. 9Kɨrɨ' sarɨmɨ a'mwe yaya kɨnɨnnakeraavɨna nayaa yɨpɨja' a'mwe gɨlyɨvɨ'maayaraavɨna bule'na wɨjaavɨpɨja' sabwi kayaa'nanyabwi yadɨvɨsaihɨlyɨ. Sarevɨ kɨwɨnya daza' sarɨmɨre sɨmunyavɨ maanga dara yɨhɨzɨdavadeihɨlyɨ “Sarɨmɨ a'mwe kɨwɨnya' galazekɨvaimwaasaihɨlyɨra.” 10Sare' darevɨnyɨ. A'mwei kɨwɨnya yuya pɨnɨngɨjɨ mɨdɨnajai kɨrɨ' kɨwɨnya dɨnɨka pɨrɨvɨna pari'ma'mwakei sai Gotɨyare tɨnnyarɨ yuya kɨwɨnya dɨnɨkengɨna yɨwetawakya yɨwakelyɨ. 11Sare' darevɨnyɨ. Gotɨyai dara dɨnɨ' “Pwarevɨ ata malɨmwadɨnna! Pɨrɨvɨrerɨ ata malɨmwadɨnnera!” Sara dɨnɨka sai nabaai pɨrɨsɨ dara dɨnɨ' “A'mwerɨ maramakɨnna! A'mwevɨ maramakɨnna!” Sare' gɨmɨ a'mwevɨ ata malɨmwagi yɨja' kɨrɨ' a'mwe pwarɨ tamakɨja' yɨ gɨmɨ kɨwɨnya dɨnɨke' mena pari'ma'mwaanyaigɨnyɨ. 12Kɨwɨnya kayaa'nanyabure yaasɨwa'wawɨnya' ayɨna nemaa'de' yɨ dazavɨna Gotɨyai marayɨhyawɨbwaradevaaibɨ' yuyagaa' sarɨmɨ yagaala pɨnɨjɨ yɨnɨga wi'na dɨzɨla! Yɨ yuyaburaavɨ nayaa yɨnɨga wi'na jɨ'mwannyɨla! 13Sare' darevɨnyɨ. A'mwe pwai a'mwe pwarɨna kale'na gaimwanga mwiade sarɨ nabaai Gotɨyai kotɨya' wiawɨbwaradehaa' sarɨna kale'na gaimwanga wiadei mɨ'. Kɨrɨ' a'mwei a'mwe pwarɨna kale'na gaimwanga wiade kale'na gaimwanga sa' kotɨya savɨ yɨnɨga wi'na wavɨlavadesɨ. Gotɨyai sahwarɨ jɨdavadei mɨ'.
Dɨragɨnna lɨmwangebulyɨ Kɨraazɨtɨyarɨna yadaanyabulyɨ sawaarɨnesɨ.
14Nɨmɨre nya'mweihi, a'mwe pwai kwai dara dazai “Kɨraazɨtɨyarɨ dɨragɨnna lɨmwadɨnyainyɨ,” kɨrɨ' sai wana nawɨ'nyabwi myade a'mwe dazare dɨragɨnna lɨmwangebwi yaasɨwa'nanya' midaaka! Dɨragɨnna lɨmwanga sasare sabwi sahwarɨ yɨnɨga mi'na padaihasamaarannei dɨngaka! Aawa. 15Yɨ yaamɨjɨ yɨhɨthɨma! Neya'mwe pwai neya'mwe kɨrɨ' kannya waryaanya' kɨnɨnnake' mwaalaja' nabaai wapaaya tɨka nya'ne mwari yaja' 16sarɨmɨnyɨdaa'nyɨ pwai samɨlɨkɨ wɨdɨna “Kwaamu'nanyaburɨ yɨlaaya dɨmwaala! Gɨmɨ wawa'gɨzɨ baazɨ'ma'nya' gɨmɨre kɨlaakejɨkɨ dɨ'mudɨnya yɨnya'ne' dɨmarakaawa! Nabaai wapaayajɨ maraawa'gɨzɨ gɨmɨre munyɨkɨ munya' yunebanna ginana!” Sara dɨpɨjaihi kɨrɨ' baazɨ'ma'nya pɨnɨjɨ wapaaya pɨnɨjɨ gaimwanga ya'ne mujaayɨ yɨpɨja' yagaala daza' gaimwange' gatha'dara yannevaka! 17Sarevɨdaa'nyɨ dɨragɨnna lɨmwanga kɨbwi nawɨ'nyaburɨ mima'naabi yajavwi kɨrɨ' gave' waraja' yɨ sa' bainɨkesɨ. Yɨ dazabwi gevulyɨra.
18Sare kɨrɨ' a'mwe pwai dɨna “Kɨraazɨtɨyare pwara dɨragɨnna lɨmwadɨvɨsare. Pwara wawɨnya tewaanyabwina yadɨvɨsare.” Sare'na nɨmɨ dara wɨrɨvɨkɨ'mwa. Gɨmɨ gɨmɨre dɨragɨnna lɨmwanga dazabwi dɨnyɨbwarɨdaakwia! Yɨ sabwi nawɨ'nya pɨburaavɨ yɨma'naabya'nebwi gavebwina dɨnyɨbwarɨdaakude' daaka! Kɨrɨ' nɨmɨ tewaanya sabwi yadɨnyangɨna nɨmɨre dɨragɨnna lɨmwangebwi givwarɨdaakudeinyɨ. 19Gɨmɨ dɨragɨnna dara lɨmwadɨnyaigɨnyɨ “Gotɨyai yune gave pwainanyai mwaalɨka.” Sa' tewaanya' midaaka! Kɨrɨ' Saataanɨmɨrera yɨmakera kwarajɨ dɨragɨnna avaaina yawɨ'dɨvɨsare. Sahwara Gotɨyarɨ mamɨdɨnyadɨvɨsa'na lɨka yɨwaainadɨvɨsare. Sahwaraavɨ wavɨla'mwaaigɨ daaka! 20A'mwe sɨdu'maayaigɨ, gɨmɨ nawɨ'nya pɨburajɨ myadɨ yune dɨragɨnna lɨmwange'na lɨmwadɨnya' sabwi kuzɨ'nyabulyɨ. Yaasɨwakesɨ. “Sare dazavɨre kaavɨlya' yawɨranganɨma!” dahɨneigɨ daaka! 21Nayaa du'nana! Kɨgaakuna nemɨre Ne sɨnnawɨnyai Evɨraamɨ gannya gawaalɨvaangei Aazakɨmɨ kwaraanya lɨvalaannɨkevɨ yɨlamarakakelyɨ. “Gotɨyarɨne dɨka nasɨ'nana!” daka dɨka yɨra'dɨvɨtabaaibɨ' Gotɨyarɨ yaamɨjɨ wɨmaarya'nei mwaala'. Yɨ dazahaa' sara yake'na Gotɨyai gamɨre dazabwi wanganaka “A'mwe yɨda'maraangelyɨ,” dakei midaaka! 22Gɨmɨ yawɨrangamanɨgɨ. Gamɨre dɨragɨnna lɨmwangebwi gamɨre tewaanya yaka sabulyɨ ye'mwannayakelyɨ. Sasare dazabwi gamɨre dɨragɨnna lɨmwangeburɨ naanga yune nebulya'nanyaburɨ yunebanna yakebulyɨ. 23Nabaai sare' Gotɨyare bukuyavɨ dɨnɨke' yunebanna yɨma'nake'nanyɨ. Dara dɨnɨ' “Evɨraamɨ Gotɨyarɨ dɨragɨnna lɨmwagaka sarevɨ Gotɨyai dɨragɨnna yawɨrawɨmwaaiha' ‘Sahwai yɨda'maraangelyɨ.’ ” Sare'na nabaai pimagɨnyavɨ dara dɨnɨ' “Evɨraamɨ Gotɨyare gya'mwelyɨra.” Evɨraamɨmɨna sara dɨnɨkesɨ. 24Nabaai sare' dahaa' sarɨmɨ yawɨrangamanɨga'. Yune dɨragɨnna lɨmwangeburɨna gaveburɨna Gotɨyai “A'mwe yɨda'maraangelyɨra,” dadei mɨ'. Aawa. Sai yawɨ'da “A'mwei dɨragɨnna lɨmwade sasare dazavɨ nawɨ'nyabwina yaderɨna yɨ dazahwarɨna ‘A'mwe yɨda'maraangelyɨ,’ ” dadelyɨ. 25Sahɨbaaibɨ' nabaai a'mwe yaasɨwa'na maradakunamaryake' Rayaa' nawɨ'nyabwina yakevɨna Gotɨyai “A'mwe yɨda'maraangesɨra,” dakei midaaka! Sare' daresɨ. Yɨ a'mwe sa' Jozuwaa' a'mweraarɨ maryasaabakeraarɨna “Nuramakɨpɨdɨka!” daka tuta pɨrɨvɨ nayaa ayɨna maryaasakeraalyɨ. 26Yuya sare' darevɨnyɨ. Kɨlaakejɨ' kuryalyɨ maayajɨ' sajɨ' mena bainɨkabaaibɨ' a'mwei yaasɨwa'na dɨragɨnna lɨmwagazai kɨrɨ' nawɨ'nya kɨbulyɨ myadei, a'mwe dazare dɨragɨnna lɨmwangebwi mena bainɨkebulyɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.